കെ റെയിൽ പദ്ധതി കേരളത്തെ തകർക്കുമെന്ന മുന്നറിയിപ്പുമായി മുതിർന്ന അഭിഭാഷകൻ പ്രശാന്ത് ഭൂഷൺ രംഗത്ത്. സാമ്പത്തികമായും സാമൂഹികമായും പാരിസ്ഥിതികമായുമുള്ള തിരച്ചടികൾ പഠിക്കാതെ പദ്ധതിയുമായി മുന്നോട്ട് പോകരുത്. സിൽവർലൈൻ പദ്ധതി ഭൂമാഫിയയെ സഹായിക്കാനാണെന്നും പ്രശാന്ത് ഭൂഷൺ കണ്ണൂർ പ്രസ് ക്ലബിന്റെ മീറ്റ് ദ പ്രസിൽ ആരോപിച്ചു.
അതേസമയം സില്വര് ലൈന് പദ്ധതിയിലെ ആശങ്ക പരിഹരിക്കാന് യോഗം വിളിക്കണമെന്ന് ശശി തരൂർ എംപി മുഖ്യമന്ത്രി പിണറായി വിജയനോട് ആവശ്യപ്പെട്ടു. പദ്ധതിയില് ആശങ്കയറിയിച്ച ജനങ്ങളേയും രാഷ്ട്രീയ പാര്ട്ടികളേയും കെ റെയില് പ്രതിനിധികളേയും ഒന്നിച്ചിരുത്തി ചര്ച്ച നടത്തണമെന്ന നിര്ദ്ദേശമാണ് തരൂര് മുന്നോട്ട് വച്ചിട്ടുള്ളത്. മുഖ്യമന്ത്രി യോഗം വിളിച്ചില്ലെങ്കില് സ്വന്തം നിലക്ക് അത്തരമൊരു ചര്ച്ച സംഘടിപ്പിക്കുന്നതിനെ കുറിച്ച് തരൂര് ആലോചിക്കുന്നുണ്ടെന്നാണ് അദ്ദേഹവുമായി ബന്ധപ്പെട്ട വൃത്തങ്ങള് നല്കുന്ന സൂചന.
പ്രതികരിക്കാൻ ഇവിടെ എഴുതുക