ഒമാനിലേക്ക് പ്രവേശിക്കുന്ന 18 വയസ്സിനും അതിന് മുകളിലുമുള്ള പ്രവാസികള് രണ്ട് ഡോസ് കൊവിഡ് വാക്സിനേഷന് എടുക്കണമെന്ന് സുപ്രീം കമ്മറ്റിയുടെ ഉത്തരവ്. ആഭ്യന്തര മന്ത്രി സയ്യിദ് ഹമൂദ് ഫൈസല് അല് ബുസൈദിയുടെ അധ്യക്ഷതയില് ചേര്ന്ന കൊവിഡ് അവലോകന സുപ്രീം കമ്മറ്റിയുടേതാണ് തീരുമാനം.
യാത്ര പുറപ്പെടുന്നതിന് 72 മണിക്കൂറിനുള്ളിലെടുത്ത പിസിആര് പരിശോധനയുടെ നെഗറ്റീവ് ഫലവും ഹാജരാക്കണം. പുതിയ തീരുമാനം പ്രാബല്യത്തില് വന്നു. ജനുവരി 31 വരെ ഈ തീരുമാനം നിലനില്ക്കുമെന്ന് അധികൃതര് അറിയിച്ചു. അതേസമയം ഒമിക്രോണിന്റെ പശ്ചാത്തലത്തില് ദക്ഷിണാഫ്രിക്ക, നമീബിയ, ബോട്സ്വാന, സിംബാബ്വെ, ലസൂട്ടു, സ്വാസിലാന്ഡ്, മൊസാംബിക് എന്നീ രാജ്യങ്ങളില് നിന്നുള്ള യാത്രക്കാര്ക്ക് ഏര്പ്പെടുത്തിയ വിലക്ക് സുപ്രീം കമ്മറ്റി പിന്വലിച്ചു.
ഒമാനില് ഇതുവരെ കൊവിഡ് വൈറസിന്റെ ഒമിക്രോണ് വകഭേദം 16 പേരില് സ്ഥിരീകരിച്ചിട്ടുണ്ടെന്ന് ആരോഗ്യ മന്ത്രാലയം അറിയിച്ചു. തിങ്കളാഴ്ച ഒമാന് സുപ്രീം കമ്മിറ്റിയുടെ വാര്ത്താ സമ്മേളനത്തില് വെച്ചാണ് രാജ്യത്തെ ഇപ്പോഴത്തെ ഒമിക്രോണ് സാഹചര്യം അധികൃതര് വിശദമാക്കിയത്.
പ്രതികരിക്കാൻ ഇവിടെ എഴുതുക