കൊട്ടാരക്കര: കോട്ടാത്തലയിൽ ഭാര്യയെ വെട്ടിയ ശേഷം ഭർത്താവ് ആത്മഹത്യയ്ക്കു ശ്രമിച്ചു. കോട്ടാത്തലയിൽ ഒമ്പതു വർഷമായി താമസിക്കുന്ന കർണാടക സ്വദേശി ശങ്കറാണ് ഭാര്യ ഡബോറയെ വെട്ടിയ ശേഷം സ്വയം കഴുത്തറുത്തത്.ഇരുവരെയും ഗുരുതര പരുക്കുകളോടെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി.
മദ്യപാനിയായ ശങ്കറിന്റെ ശല്യം സഹിക്കാതെ ഡബോറ മക്കളുമൊത്ത് വീടിന്റെ മുകൾ നിലയിൽ മാറി താമസിക്കുകയായിരുന്നു . വൈകിട്ട് ആറു മണിയോടെയാണ് മദ്യപിച്ചെത്തിയ ശങ്കർ വീട്ടിനു സമീപത്തെ റോഡിൽ വച്ച് ഡബോറയെ വെട്ടിയത്.
ഇവിടെ നിന്ന് രക്ഷപ്പെട്ട ശേഷമാണ് ശങ്കർ സ്വയം കഴുത്തറുത്തത്. ദമ്പതികൾക്ക് നാലു മക്കളുണ്ട്. നാഗർകോവിൽ സ്വദേശിനിയാണ് ഡബോറ.
പ്രതികരിക്കാൻ ഇവിടെ എഴുതുക