മുൻ പ്രതിപക്ഷ നേതാവ് രമേശ് ചെന്നിത്തലയെ തള്ളിക്കൊണ്ട് പ്രതിപക്ഷ നേതാവ് വി.ഡി.സതീശന് രംഗത്ത്. ലോകായുക്ത ഓര്ഡിനന്സിലെ നിരാകരണ പ്രമേയം പാര്ലമെന്ററി പാര്ട്ടിയാണ് ആലോചിക്കേണ്ടതെന്നും തനിക്ക് പോലും വിഷയത്തിൽ തീരുമാനമെടുക്കാൻ സാധിക്കില്ലെന്നും അദ്ദേഹം പറഞ്ഞു.
മാത്രമല്ല, നിയമസഭയിലെ നിലപാടുകള് യുഡിഎഫ് ആലോചിച്ചാണ് തീരുമാനിക്കുന്നതെന്നും അദ്ദേഹം വ്യക്തമാക്കി. സംസ്ഥാനത്തെ കോണ്ഗ്രസ് നേതൃത്വത്തെ നോക്കുകുത്തിയാക്കുന്ന തീരുമാനങ്ങള് രമേശ് ചെന്നിത്തല കൈക്കൊള്ളുന്നതായി കെപിസിസി നേതൃത്വം വിമർശിച്ചിരുന്നു.
മാത്രമല്ല, നിരാകരണ പ്രമേയം കൊണ്ടുവരുമെന്ന രമേശ് ചെന്നിത്തലയുടെ പ്രഖ്യാപനവും മന്ത്രി ബിന്ദുവിനെതിരെ കോടതിയില് പോയതും പാര്ട്ടിയില് കൂടിയാലോചന നടത്താതെയാണെന്നും ആക്ഷേപം ഉയരുകയും ചെയ്തിരുന്നു. നിര്ണായക തീരുമാനങ്ങള് രമേശ് ചെന്നിത്തല പരസ്യപ്പെടുത്തുന്നതില് കെപിസിസി വിയോജിപ്പ് അറിയിച്ചതായും റിപ്പോർട്ടുകൾ വന്നു.
പ്രതികരിക്കാൻ ഇവിടെ എഴുതുക