തിരൂരങ്ങാടിയിൽ വിദ്യാർഥിനി ബസിൽനിന്ന് തെറിച്ചുവീണ സംഭവത്തിൽ ഡ്രൈവറുടെ ലൈസൻസ് സസ്പെൻഡ് ചെയ്തു. ബുധനാഴ്ച വൈകിട്ടാണ് ഗവ. ഹയർ സെക്കൻഡറി സ്കൂളിലെ വിദ്യാർഥിനി മലപ്പുറത്തുനിന്ന് പരപ്പനങ്ങാടിയിലേക്ക് പോകുകയായിരുന്ന ഡിലൈറ്റ് ബസിൽനിന്ന് തെറിച്ചുവീണത്.
സംഭവത്തിന്റെ സിസിടിവി ദൃശ്യങ്ങൾ പ്രചരിച്ചതിനെ തുടർന്ന് വ്യാഴാഴ്ച രാവിലെ എംവിഐ പ്രമോദ് ശങ്കർ കക്കാട്ട് വച്ച് ബസ് പരിശോധിക്കുകയും അപകടകരമായ രീതിയിൽ ബസ് ഓടിച്ചതിന് ഡ്രൈവറുടെ ലൈസൻസ് സസ്പെൻഡ് ചെയ്യുകയും ചെയ്തു. നിയമ നടപടികൾ സ്വീകരിക്കുന്നതിന് ശുപാർശ ചെയ്യുകയും ചെയ്തു.
താലൂക്കിലെ വിവിധ ഭാഗങ്ങളിൽ രാവിലെയും വൈകിട്ടും മോട്ടർ വാഹന വകുപ്പ് ഉദ്യോഗസ്ഥർ സ്കൂൾ പരിസരങ്ങളിൽ പരിശോധന കർശനമാക്കിയിട്ടുണ്ട്. വിദ്യാർഥികളോടുള്ള അവഗണന തുടർന്നാൽ കർശനനടപടി സ്വീകരിക്കുമെന്ന് ജില്ലാ എൻഫോഴ്സ്മെന്റ് ആർടിഒ കെ.കെ.സുരേഷ് കുമാർ പറഞ്ഞു.
പ്രതികരിക്കാൻ ഇവിടെ എഴുതുക