കൊച്ചി: കൊച്ചി മെട്രോ പാളത്തിലെ തൂണിന്റെ ചെരിവിന് കാരണമായ പ്രശ്നം കണ്ടെത്തി . മെട്രോയുടെ ചരിഞ്ഞ തൂണിന്റെ പൈലിങ് ഭൂമിക്കടിയിലെ പാറയില് തൊട്ടിട്ടില്ലെന്നാണ് കണ്ടെത്തല്.
പത്തടിപ്പാലത്തെ 347ാം നമ്പര് തൂണിനാണ് ചരിവ് കണ്ടെത്തിയത്. തൂണിന്റെ ബലക്ഷയത്തിന് കാരണം പൈലിങ് പാറയില് തട്ടാത്തതാണെന്ന് ജിയോ ടെക്നിക്കല് പഠനമാണ് വ്യക്തമാക്കിയത്. എന്നാല് പഠന വിവരം കെഎംആര്എല് പുറത്തുവിട്ടിട്ടില്ല.
തൂണ് നില്ക്കുന്ന സ്ഥലത്ത് 10 മീറ്റര് താഴെയാണ് പാറ. ഇവിടേക്ക് പൈലിങ് എത്തിയിട്ടില്ല. പാറക്ക് ഒരു മീറ്റര് മുകളിലാണ് പൈലിങ്. മണ്ണിനടില് പാറ കണ്ടെത്തുന്നത് വരെ പൈലടിച്ചാണ് മെട്രോ തൂണുകള് നിര്മിക്കേണ്ടത്.
പൈലിങ് പാറയില് എത്തിയാല് പാറ തുരന്ന് പൈലിങ് പാറയില് ഉറപ്പിക്കണം. പത്തടിപ്പാലത്ത് ഈ മാര്ഗനിര്ദേശങ്ങളൊന്നും പാലിക്കാത്തതാണ് ചരിവിന് കാരണമെന്നാണ് നിഗമനം.
പുതിയ പൈലുകള് അടിച്ച് തൂണിനെ ബലപ്പെടുത്താനാണ് അധികൃതര് തീരുമാനിച്ചത്. എന്നാല് തകരാര് പരിഹരിക്കാന് മെട്രോ സുരക്ഷാ കമ്മീഷണറുടെ അനുമതി വേണം.
തൂണ് ബലപ്പെടുത്തുന്ന ചുമതല എല് ആന്ഡ് ടിക്ക് കൈമാറാനാണ് കെഎംആര്എല് തീരുമാനിച്ചത്. ഒരുമാസം മുമ്പാണ് പാലത്തിന് ചരിവുണ്ടെന്ന് കണ്ടെത്തിയത്. തുടര്ന്ന് ഡിഎംആര്സിയുടെ മുഖ്യഉപദേശകനായിരുന്ന ഇ ശ്രീധരന് ഉള്പ്പെടെയുള്ള വിദഗ്ധര് പരിശോധന നടത്തിയിരുന്നു.
പ്രതികരിക്കാൻ ഇവിടെ എഴുതുക