അമരാവതി: ആന്ധ്രയില് വിവാഹാഭ്യര്ത്ഥന നിരസിച്ചതിന് ഇരുപത്തിരണ്ടുകാരിയെ കൊലപ്പെടുത്തിയ യുവാവിന് വധശിക്ഷ . ഗുണ്ടൂരിലെ ഫാസ്റ്റ് ട്രാക്ക് കോടതിയാണ് ശിക്ഷ വിധിച്ചത്. ഗുണ്ടൂരിലെ മോട്ടോര് മെക്കാനിക്കായ ശശികൃഷ്ണയ്ക്കാണ് കോടതി വധശിക്ഷ വിധിച്ചത്.
എട്ട് മാസങ്ങള്ക്ക് മുമ്പാണ് ബിടെക് വിദ്യാര്ത്ഥിനിയായ രമ്യയെ ഗുണ്ടൂരില് നടുറോഡില് വച്ച് ശശികൃഷ്ണ കുത്തിക്കൊലപ്പെടുത്തിയത്. സിസിടിവി ദൃശ്യങ്ങളുടെ അടിസ്ഥാനത്തിലായിരുന്നു അറസ്റ്റ്.
36 സാക്ഷികളെ കേസില് വിസ്തരിച്ചു. ഒരാഴ്ചയ്ക്കകം കേസില് ചാര്ജ് ഷീറ്റ് ഫയല് ചെയ്തിരുന്നു. ഡിഎസ്പി രവികുമാറിന്റെ നേതൃത്വത്തിലുള്ള പൊലീസ് സംഘമാണ് കേസ് അന്വേഷിച്ചത്.
പ്രതികരിക്കാൻ ഇവിടെ എഴുതുക