കൊച്ചി: തൃക്കാക്കര ആരോടൊപ്പമെന്ന് അറിയാൻ മണിക്കൂറുകൾ മാത്രം. ഇന്ന് രാവിലെ എട്ട് മണി മുതല് മഹാരാജാസ് കോളജിൽ വച്ച് വോട്ടെണ്ണല് നടക്കും. 8.15ഓടെ ആദ്യ ഫലസൂചനകള് പുറത്തുവരും.
രാവിലെ 7.30ഓടെ സ്ട്രോങ് റൂം തുറക്കുമെന്ന് എറണാകുളം ജില്ലാ കളക്ടര് ജാഫര് മാലിക് അറിയിച്ചു. 21 ടേബിളുകളില് 12 റൗണ്ടുകളിലായി വോട്ടെണ്ണല് നടക്കും.
ഫലമറിയാന് മണിക്കൂറുകള് മാത്രം അവശേഷിക്കുമ്പോള് വിജയപ്രതീക്ഷയിലും തികഞ്ഞ ആത്മവിശ്വാസത്തിലുമാണ് മുന്നണികള്.
240 ബൂത്തുകളിലാണ് തൃക്കാക്കരയില് ജനം വിധിയെഴുതിയത്. 1,96,805 വോട്ടര്മാരില് 1,35,320 പേരാണ് സമ്മതിദാനാവകാശം വിനിയോഗിച്ചത്.
ആദ്യം തപാല് വോട്ടുകളാണ് എണ്ണിത്തുടങ്ങുക. പിന്നാലെ വോട്ടിങ് യന്ത്രങ്ങള് തുറക്കും. ആദ്യറൗണ്ടില് ഇടപ്പള്ളി മേഖലയിലെ വോട്ടുകളാണ് എണ്ണുന്നത്. ആകെയുള്ള 12 റൗണ്ടില് 11 റൗണ്ടില് 21 ബൂത്തുകള് വീതവും അവസാന റൗണ്ടില് 8 ബൂത്തും എണ്ണും.
പ്രതികരിക്കാൻ ഇവിടെ എഴുതുക