മലയാളികളുടെ പ്രിയപ്പെട്ട ഗായകനാണ് വിജയ് യേശുദാസ്. അടുത്തിടെയാണ് താനും ഭാര്യ ദര്ശനയും വേര്പിരിഞ്ഞതായി വിജയ് യേശുദാസ് വെളിപ്പെടുത്തിയത്.
ഫ്ളവേഴ്സിലെ ‘ഒരുകോടി’ എന്ന പരിപാടിയില് പങ്കെടുക്കാന് എത്തിയപ്പോഴാണ് ഗായകന് ഇക്കാര്യം തുറന്ന് പറഞ്ഞിരുന്നത്. തമിഴ് നടന് ധനുഷുമായി വളരെ അടുത്ത സൗഹൃദമാണ് വിജയ്ക്ക് ഉള്ളത്. ആ സൗഹൃദത്തെക്കുറിച്ച് സംസാരിക്കുന്നതിനിടെയാണ് വിജയ് യേശുദാസ് ഭാര്യ ദര്ശനയെക്കുറിച്ച് മനസ് തുറന്നത്. .
‘എന്റെയും ധനുഷിന്റെയും ഭാര്യമാര് തമ്മിലുള്ള സൗഹൃദമാണ് ഞങ്ങളെ അടുപ്പിച്ചത്. ഇപ്പോള് ആ ബന്ധമൊക്കെ ഏതു വഴിയ്ക്കായി എന്ന് എല്ലാവര്ക്കും അറിയാം. ഞങ്ങളുടേത് ഒരു പ്രണയ വിവാഹമായിരുന്നു.
ഇപ്പോള് പരാജയത്തില് എത്തി നില്ക്കുകയാണ് ആ ജീവിതം. എന്റെ വിവാഹ ജീവിതത്തില് താളപ്പിഴകള് സംഭവിച്ചിട്ടുണ്ട്. അത് എന്റെ വ്യക്തി ജീവിതത്തെ കാര്യമായി ബാധിച്ചിട്ടുണ്ട്. പക്ഷെ, അതെല്ലാം അതിന്റെ രീതിയില് അങ്ങനെ മുന്നോട്ടു പോവുകയാണ്.
മക്കളുടെ കാര്യത്തില് അച്ഛന്, അമ്മ എന്ന നിലയില് ഞങ്ങള് എപ്പോഴും ഒരുമിച്ചായിരിക്കും ചുമതലകള് നിര്വ്വഹിക്കുക. മക്കളും ഈ കാര്യത്തില് വളരെ നന്നായി മനസ്സിലാക്കിയിട്ടുണ്ടെന്നാണ് കരുതുന്നത്. അതിനാല് വലിയ കുഴപ്പമില്ലാതെ മുന്നോട്ടു പോകുന്നു. പക്ഷെ ഞങ്ങളുടെ ഈ വേര്പിരിയലില് എനിക്ക് എന്റെ കുടുംബത്തിന്റെ ഭാഗത്ത് നിന്നും ഒരു പിന്തുണയും ലഭിക്കുന്നില്ല എന്നതാണ് സത്യം. വിജയ് യേശുദാസ് പറഞ്ഞു.
പ്രതികരിക്കാൻ ഇവിടെ എഴുതുക