ന്യൂഡൽഹി: പിൻവലിച്ച 2000 രൂപ നോട്ടുകൾ ഇന്നു മുതൽ മാറ്റിയെടുക്കാൻ സാധിക്കും. ഒരാൾക്ക് ക്യൂവിൽ നിന്ന് പത്തു നോട്ടുകൾ, അതായത് 20,000 രൂപ വരെയാണ് ഒരു സമയം മാറാനാകുക.
പിന്നാലെ അതേ ക്യൂവിൽ വീണ്ടും ചേർന്ന് വീണ്ടും നോട്ട് മാറിയെടുക്കാം. നോട്ട് മാറ്റിയെടുക്കാൻ തിരിച്ചറിയൽ രേഖയോ പ്രത്യേക അപേക്ഷാഫോമോ വേണ്ട. 2000 രൂപ നോട്ടുകൾ മാറിയെടുക്കാനോ ബാങ്കുകളിൽ നിക്ഷേപിക്കാനോ തിരക്കു കൂട്ടേണ്ടതില്ലെന്ന് ആർബിഐ ഗവർണർ അറിയിച്ചിരുന്നു.
“സെപ്റ്റംബർ 30നു ശേഷം 2000 രൂപ നോട്ട് രാജ്യത്ത് ഉപയോഗിക്കാം. റിസർവ് ബാങ്കിന്റെ കറൻസി മാനേജ്മെന്റിന്റെ ഭാഗമായാണ് 2000 രൂപ നോട്ട് പിൻവലിച്ചത്.
സെപ്റ്റംബർ 30നു മുന്പ് ഭൂരിഭാഗം നോട്ടുകളും ബാങ്കുകളിലെത്തുമെന്നാണു പ്രതീക്ഷ. മാറ്റിയെടുക്കാൻ ആവശ്യമായ നോട്ടുകൾ നിലവിൽ പ്രിന്റ് ചെയ്തിട്ടുണ്ട്.
സെപ്റ്റംബർ 30 വരെ എത്ര നോട്ടുകൾ തിരിച്ചെത്തിയെന്നു പരിശോധിച്ചശേഷം സമയപരിധി നീട്ടുന്ന കാര്യം ആലോചിക്കുമെന്നും ശക്തികാന്ത ദാസ് പറഞ്ഞിരുന്നു.
പ്രതികരിക്കാൻ ഇവിടെ എഴുതുക