ബംഗളൂരു: കര്ണാടക വഖഫ് ബോര്ഡ് ചെയര്മാന് ഷാഫി സാദിയെ മാറ്റി സിദ്ധരാമയ്യ സര്ക്കാര്. കഴിഞ്ഞ ബിജെപി സര്ക്കാറിന്റെ കാലത്താണ് ഷാഫി വഖഫ് ബോര്ഡ് ചെയര്മാന് ആയത്. മിര് അസ്ഹര് ഹുസൈന്, ജി യാക്കൂബ്, ഐഎഎസ് ഓഫീസറായ സെഹെറ നസീം എന്നീ വഖഫ് ബോര്ഡ് അംഗങ്ങളുടെയും സ്ഥാനം സിദ്ധരാമയ്യ സര്ക്കാര് റദ്ദാക്കി.
പുതിയ സര്ക്കാരിര് മുസ്ലിം നേതാവ് ഉപമുഖ്യമന്ത്രിയാകണമെന്ന വഖഫ് ബോര്ഡ് ചെയര്മാന്റെ പ്രസ്താവന വിവാദമായിരുന്നു. ഇതിന് പിന്നാലെയാണ് മാറ്റം. ബിജെപിയുമായി സജീവ ബന്ധം നിലനിര്ത്തുന്ന ഷാഫി, 2021 നവംബര് 17നാണ് വഖഫ് ബോര്ഡ് ചെയര്മാന് സ്ഥാനത്തേക്ക് നടന്ന തെരഞ്ഞെടുപ്പില് വിജയിച്ചത്. ബിജെപി പിന്തുണയുള്ള അദ്ദേഹം കര്ണാടക മുസ്ലിം ജമാഅത്ത് ജനറല് സെക്രട്ടറിയായിരുന്നു. 2010ലും 2016ലും എസ്എസ്എഫ് കര്ണാടക സ്റ്റേറ്റ് പ്രസിഡന്റായി പ്രവര്ത്തിച്ചിട്ടുണ്ട്.
പ്രതികരിക്കാൻ ഇവിടെ എഴുതുക