”എന്റെ അമ്മ എന്നില് ഒരുപാട് സ്വാധീനം ചെലുത്തിയിട്ടുണ്ട്. അമ്മ വളരെ ധൈര്യശാലിയായിരുന്നു. ഒരു സാധാരണ സ്ത്രീ ജീവിതത്തില് കടന്നു പോകുന്ന സംഭവങ്ങളിലൂടെയൊന്നുമല്ല അമ്മ കടന്നുപോയത്. വളരെയേറെ സ്ട്രഗിള് ചെയ്തിരുന്നു അമ്മ.”
”സാമ്പത്തികമായ ബുദ്ധിമുട്ടുകളും രോഗങ്ങള് മൂലമുള്ള ബുദ്ധിമുട്ടുകളും അമ്മ നേരിട്ടിരുന്നു. എന്റെ അച്ഛന് വിദേശത്തായിരുന്നു. അതുകൊണ്ട് തന്നെ അമ്മ പല കാര്യങ്ങളും ഒറ്റയ്ക്ക് തന്നെയാണ് നോക്കിയത്. അന്നത്തെ കാലത്ത് ഫോണില് പോലും പലപ്പോഴും അച്ഛനെ ബന്ധപ്പെടാന് കഴിഞ്ഞിരുന്നില്ല.”
”അപ്പോഴൊക്കെ പല നിര്ണായക തീരുമാനങ്ങളും അമ്മ ഒറ്റയ്ക്ക് തന്നെയാണെടുത്തത്. മുത്തശ്ശി ഞങ്ങളുടെ കൂടെയായിരുന്നു താമസം. മുത്തശ്ശി മരിച്ച സമയത്ത് ചിത കത്തിച്ചത് പോലും എന്റെമ്മയാണ്. ഹിന്ദു മതത്തില് വളരെ അപൂര്വ്വമായി മാത്രം സംഭവിക്കുന്ന കാര്യമായിരുന്നു അത്.”
ജീവിതത്തില് ഒരുപാട് പോരാടിയിട്ടുള്ള ആളാണ് തന്റെ അമ്മ എന്ന് നടിയും അവതാരകയുമായ അശ്വതി ശ്രീകാന്ത് പറയുകയാണ് . വളരെ ധൈര്യശാലിയായിരുന്നു അമ്മ തന്നില് ഒരുപാട് സ്വാധീനം ചെലുത്തിയിട്ടുണ്ടെന്നും അശ്വതി പറയുന്നു
പ്രതികരിക്കാൻ ഇവിടെ എഴുതുക