ഡൽഹി: ഗുസ്തി താരങ്ങളുടെ സമരത്തില് സജീവമായിരുന്ന സാക്ഷി മാലിക് തിരികെ ജോലിക്ക് കയറി. അമിത്ഷായുമായി ചർച്ചക്ക് ശേഷമാണ് തീരുമാനം.
ഇതിനു പിന്നാലെ സമരത്തില് നിന്നും താരം പിന്മാറിയെന്ന വാര്ത്തയാണ് പുറത്തുവരുന്നത്. അതിനെതിരെ പ്രതികരിച്ച് രംഗത്തിയിരിക്കുകയാണ് സാക്ഷി മാലിക്. സരമത്തില് നിന്നും ഒരടി പിന്നോട്ടില്ലെന്നും സാക്ഷി വ്യക്തമാക്കി. നീതിക്ക് വേണ്ടി പോരാട്ടം തുടരും.ജോലിക്കൊപ്പം പോരാട്ടം തുടരും. തെറ്റായ വാർത്ത പ്രചരിപ്പിക്കരുത് എന്ന് സാക്ഷി ആവശ്യപ്പെട്ടു.
നോർത്തേൺ റെയില്വേയില് ഗസറ്റഡ് റാങ്കിലുള്ള ഉദ്യോഗസ്ഥയാണ് സാക്ഷി. ശനിയാഴ്ചയാണ് സാക്ഷിയും ബജ്റംഗ് പൂനിയയും ഷായെ കണ്ടത്. ഗുസ്തി താരങ്ങള് ഉന്നയിച്ച ആവശ്യങ്ങള് അനുഭാവപൂര്വം പരിഗണിക്കുമെന്ന് അമിത് ഷാ താരങ്ങള്ക്ക് ഉറപ്പ് നല്കിയിരുന്നു. വിനേഷ് ഫോഗട്ടും , ബജ്റംഗ് പൂനിയയും ജോലിക്ക് കയറിയിട്ടുണ്ട്.
പ്രതികരിക്കാൻ ഇവിടെ എഴുതുക