കോഴിക്കോട് കൊയിലാണ്ടി താലൂക്ക് ആശുപത്രിയില് പൊലീസ് വൈദ്യ പരിശോധനയ്ക്ക് എത്തിച്ചയാൾ അക്രമകാരിയായതായി റിപ്പോർട്ട്. ആശുപത്രിയിലെ ഡ്രസിംഗ് റൂം ഇയാൾ അടിച്ചുതകര്ത്തു. ബുധനാഴ്ച അര്ധ രാത്രിയോടെയാണ് സംഭവം ഉണ്ടായത്.
പൊലീസ് സ്റ്റേഷനില് സ്വയം ഹാജരായ ആള് ഗ്രില്സില് തലയിടിച്ച് പൊട്ടിച്ചതോടെ തലക്കേറ്റ മുറിവ് ഡ്രസ് ചെയ്യുന്നതിനും പരിശോധനക്കും വേണ്ടിയാണ് പൊലീസ് ഇയാളെ താലൂക്ക് ആശുപത്രിയില് എത്തിച്ചത് എന്നാണ് പുറത്തു വരുന്ന വിവരം.
പരിശോധനയ്ക്ക് ശേഷം ഡ്രസ്സിംഗ് റൂമില് എത്തിയപ്പോള് ഇയാള് വീണ്ടും അക്രമാസക്തനാവുകയായിരുന്നു. തല കൊണ്ട് റൂമിലെ ഗ്ലാസുകള് ഇടിച്ചു തകര്ക്കുകയായിരുന്നു. ഉടന് തന്നെ പൊലീസും സെക്യൂരിറ്റി ജീവനക്കാരും ചേര്ന്ന് കീഴ്പ്പെടുത്തി. പിന്നീട് ഇയാളെ കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റി.
പ്രതികരിക്കാൻ ഇവിടെ എഴുതുക