കോഴിക്കോട് പാളയം സപ്ലൈകോ ഔട്ട്ലെറ്റ് മാനേജരെ സസ്പെന്ഡ് ചെയ്തതായി റിപ്പോർട്ട്. സബ്സിഡി സാധനങ്ങള് ഇല്ലെന്ന് ബോര്ഡില് എഴുതിവെച്ചതിനാണ് സസ്പെന്ഷന് ഉണ്ടായത്.
ഉദ്യോഗസ്ഥർ പരിശോധന നടത്തിയപ്പോള് സബ്സിഡി സാധനങ്ങളുണ്ടെന്ന് കണ്ടെത്തിയിട്ടുണ്ടെന്ന് ആണ് സസ്പെന്ഷന് ഉത്തരവില് പറയുന്നത്. അന്വേഷണത്തില് നാല് സാധനങ്ങള് മാത്രമാണ് ഇല്ലാതിരുന്നതെന്ന് കണ്ടെത്തി. തുടര്ന്നായിരുന്നു സസ്പെന്ഷന്.
വിലവിവരപ്പട്ടികയില് സാധനങ്ങള്ക്ക് നേരെ ഇല്ല എന്ന് ചോക്ക് കൊണ്ട് രേഖപ്പെടുത്തിയിരുന്നു. വിലക്കയറ്റത്തിനെതിരെ നിയമസഭയില് പിസി വിഷ്ണുനാഥ് അവതരിപ്പിച്ച അടിയന്തരപ്രമേയ നോട്ടീസില് വിഷയം ചൂണ്ടിക്കാണിക്കുകയും ഉണ്ടായി.
സംസ്ഥാനത്തെ സപ്ലൈകോയില് അവശ്യസാധനങ്ങള് ലഭ്യമല്ലെന്ന് പ്രതിപക്ഷം ഉള്പ്പെടെ ആരോപണം ഉന്നയിച്ച സമയത്താണ് സംഭവം ഉണ്ടായത്.
പ്രതികരിക്കാൻ ഇവിടെ എഴുതുക