നമ്മളിൽ പലരും പ്രമേഹ രോഗത്താൽ ഏറെ ബുദ്ധിമുട്ടുന്നവർ ആണ്. പ്രമേഹം എങ്ങനെ നിയന്ത്രിക്കും എന്നോർത്തു വിഷമിക്കുന്നവരാണ് നിങ്ങൾ എങ്കിൽ ഈ വഴികൾ പരീക്ഷിക്കാം. പ്രമേഹം നിയന്ത്രിക്കുന്നതിൽ ഭക്ഷണത്തിനുള്ള പങ്ക് വളരെ പണ്ടു തന്നെ തെളിയിക്കപ്പെട്ടിട്ടുള്ളതാണ്.
അത്തരത്തില് പ്രമേഹ രോഗികള് പതിവായി കഴിക്കേണ്ട നാല് ഭക്ഷണങ്ങള് അറിയാം
ഓട്സ് ആണ് ആദ്യമായി ഈ പട്ടികയില് ഉള്പ്പെടുന്നത്. പെട്ടെന്ന് ദഹിക്കുന്ന ഫൈബറുകള് ഇവയില് ധാരാളമായി അടങ്ങിയിരിക്കുന്നു. ഇത് രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും.
ഉലുവയാണ് രണ്ടാമതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ഉലുവ പ്രമേഹ രോഗികള്ക്ക് ഡയറ്റില് ഉള്പ്പെടുത്താവുന്ന ഒന്നാണ്. ദിവസവും രാവിലെ ഉലുവ ഇട്ട് തിളപ്പിച്ച വെള്ളം കുടിക്കുന്നത് ശരീരഭാരം കുറയ്ക്കാനും വയറിലെ കൊഴുപ്പ് സ്വാഭാവികമായി എരിച്ചു കളയുവാനും സഹായിക്കും.
പാവയ്ക്ക ആണ് അടുത്തതായി ഈ പട്ടികയില് ഉള്പ്പെടുന്നത്. രക്തത്തിലെ ഗ്ലൂക്കോസിന്റെ അളവ് ഉയരാതെ നിര്ത്താന് പ്രമേഹ രോഗികള് പാവയ്ക്ക ജ്യൂസായി കുടിക്കുന്നത് നല്ലതാണ്.
നട്സ് ആണ് അവസാനമായി ഈ പട്ടികയില് ഉള്പ്പെടുന്നത്. ഒമേഗ 3 ഫാറ്റി ആസിഡ് അടങ്ങിയ ഇവ ഡയറ്റില് ഉള്പ്പെടുത്തുന്നതും രക്തത്തിലെ പഞ്ചസാരയുടെ അളവിനെ നിയന്ത്രിക്കാന് സഹായിക്കും. ഇവയുടെ ഗ്ലൈസെമിക് ഇൻഡക്സും കുറവാണ്. പതിവായി നട്സ് കഴിക്കുന്നത് കൊളസ്ട്രോള് കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും.
പ്രതികരിക്കാൻ ഇവിടെ എഴുതുക