ചന്ദ്രയാന് മൂന്നിന്റെ നാലാം ഭ്രമണപഥം താഴ്ത്തല് ഇന്ന് നടക്കും. രാവിലെ 11.30നും 12.30നും ഇടയിലാണ് ചന്ദ്രന് തൊട്ടരികിലേക്ക് പേടകം എത്തിക്കുന്ന ഘട്ടം നടക്കുക. നിലവില് ചന്ദ്രയാന് മൂന്ന് ചന്ദ്രനില് നിന്ന് പരമാവധി 1437 കിലോമീറ്റര് മാത്രം അകലെയുള്ള ഭ്രമണപഥത്തില് ചന്ദ്രനെ വലം വയ്ക്കുക ആണ്.
ഇന്ന് അടുത്ത ഭ്രമണപഥത്തിലേക്ക് താഴ്ത്തുന്നതോടെ പേടകം ചന്ദ്രന്റെ ആയിരം കിലോമീറ്റര് പരിധിക്കുള്ളില് പ്രവേശിക്കും. അവസാന ഭ്രമണപഥം താഴ്ത്തല് പ്രക്രിയ മറ്റന്നാള് ആണ് നടക്കുക അതോടെ ചന്ദ്രയാന് മൂന്ന് പേടകം ചന്ദ്രനില് നിന്ന് 100 കിലോമീറ്റര് മാത്രം അകലയുള്ള വൃത്താകൃതിയിലുള്ള ഭ്രമണപഥത്തിലേക്ക് എത്തും.
മൂന്ന് ദിവസങ്ങൾക്ക് ശേഷം പ്രൊപ്പൽഷൽ മോഡ്യൂളിൽ നിന്നു വേർപെട്ട് ലാൻഡർ ചന്ദ്രോപരിതലത്തിലേക്ക് യാത്ര തിരിക്കും. ഇനിയുള്ള ദിവസങ്ങൾ സങ്കീർണവും നിർണായകവും ആണ് ചന്ദ്രയാൻ മൂന്നിന്. പിന്നീട് വേഗം കുറച്ചുള്ള ആറ് ദിവസത്തെ യാത്രക്കൊടുവില് ഓഗസ്റ്റ് 23ന് ലാന്ഡര് ചന്ദ്രോപരിതലത്തില് സോഫ്റ്റ് ലാന്ഡ് ചെയ്യും.
പ്രതികരിക്കാൻ ഇവിടെ എഴുതുക