തിരുവനന്തപുരം: സംസ്ഥാനത്ത് ട്രഷറിയില് നിയന്ത്രണം കടുപ്പിച്ച് സർക്കാർ. ഓണച്ചെലവിന് പണം ഉറപ്പാക്കാനാണ് നിയന്ത്രണമേര്പ്പെടുത്തിയിരിക്കുന്നത്. അഞ്ചുലക്ഷത്തിനു മുകളിലുള്ള പ്രധാന ബില്ലുകള് പാസാക്കുന്നതിനു ധനവകുപ്പിന്റെ പ്രത്യേക അനുമതി വേണം. ഓണച്ചെലവിനു പണം ഉറപ്പാക്കാനാണ് നിയന്ത്രണം ഏര്പ്പെടുത്തുന്നത്.
നേരത്തെ 10 ലക്ഷത്തിന് മുകളിലുള്ള ബില്ലുകള്ക്കായിരുന്നു നിയന്ത്രണം ഏര്പ്പെടുത്തിയിരുന്നത്. ഇക്കഴിഞ്ഞ ജുലൈയിലാണ് 25 ലക്ഷത്തില് നിന്ന് 10 ലക്ഷമാക്കി ചുരുക്കിയിരുന്നത്.
ശമ്പളം, പെന്ഷന്, മരുന്നുകള് വാങ്ങല് തുടങ്ങി അടിയന്തരവും പ്രധാനപ്പെട്ടതുമായ ചുരുക്കം ചെലവുകള് ഒഴികെ എല്ലാ ബില്ലുകള്ക്കും നിയന്ത്രണം ബാധകമാകും. നിയന്ത്രണം ലംഘിച്ച് ബില് പാസാക്കിയാല് കര്ശന നടപടിയെടുക്കുമെന്ന് ട്രഷറിക്ക് ധനവകുപ്പ് മുന്നറിയിപ്പ് നല്കി. ഓണത്തോടനുബന്ധിച്ച് ഒരു മാസം മുന്പു തന്നെ ട്രഷറി നിയന്ത്രണം ഏര്പ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക