അതിവേഗ റെയില് പദ്ധതിയില് കേരളത്തിന്റെ പ്രഥമ പരിഗണന കെ-റെയിലിന് തന്നെയാണെന്ന പ്രതികരണവുമായി മുഖ്യമന്ത്രി പിണറായി വിജയന്. വിഷയത്തിൽ ഇ. ശ്രീധരന്റെ ശുപാര്ശ പരിശോധിക്കും എന്ന് അദ്ദേഹം പറഞ്ഞു.
നിയമസഭയില് മോന്സ് ജോസഫ് എംഎല്എയുടെ ചോദ്യത്തിനായിരുന്നു മുഖ്യമന്ത്രിയുടെ മറുപടി ഉണ്ടായത്. സില്വര്ലൈന് പദ്ധതിക്കു പകരമായി അതിവേഗ റെയില്പാത സംബന്ധിച്ച് ഇ. ശ്രീധരന് സമര്പ്പിച്ച റിപ്പോര്ട്ടിന്റെ അടിസ്ഥാനത്തില് സര്ക്കാര് എന്തു നടപടി സ്വീകരിച്ചു എന്നായിരുന്നു എം എൽ എ യുടെ ചോദ്യം.
അതേസമയം കേന്ദ്രത്തിന്റെ അനുമതി ലഭിക്കാത്തതിനാലാണ് കെ-റെയില് പദ്ധതിയില്നിന്ന് പിന്നോട്ടു പോയത്. പദ്ധതി പൂര്ണമായി ഉപേക്ഷിച്ചുള്ള ഒരു തീരുമാനവും സര്ക്കാര് നിലവില് എടുത്തിട്ടില്ലെന്നും മുഖ്യമന്ത്രി മറുപടിയിൽ വ്യക്തമാക്കി.
പ്രതികരിക്കാൻ ഇവിടെ എഴുതുക