കൊല്ലം: മദ്യമെന്ന് പറഞ്ഞ് കൊക്ക കോള നല്കി പറ്റിച്ചയാൾ കൊല്ലത്ത് പിടിയിൽ. മദ്യക്കുപ്പിയില് കോളനിറച്ചായിരുന്നു തട്ടിപ്പ്. ചങ്ങന്കുളങ്ങര അയ്യപ്പാടത്ത് തെക്കതില് സതീഷ് കുമാറാണ് നാട്ടുകാരുടെ പിടിയിലായത്.
ഓച്ചിറ ആലുംപീടിക പരിസരത്തെ ബിവറേജിലും ബാറിലും മദ്യം വാങ്ങാന് വരുന്നവരെ കോള കുടിപ്പിക്കുന്ന യുവാവിനെയാണ് നാട്ടുകാരും ബിവറേജിലെ സ്റ്റാഫും ചേര്ന്ന് പിടികൂടിയത്. മദ്യം വാങ്ങാന് എത്തുന്നവരോട് തന്റെ കയ്യില് മദ്യം ഉണ്ടെന്നും വില കുറച്ച് നല്കാമെന്നും പറഞ്ഞ് വിശ്വസിപ്പിച്ച് മദ്യ കുപ്പിയില് കോള നിറച്ച് വില്ക്കുകയാണ് ഇയാളുടെ രീതി.
രാത്രിയിലും ബിവറേജില് വലിയ ക്യൂ ഉള്ളപ്പോഴും ബിവറേജ് അടയ്ക്കുന്നതിന് തൊട്ടുമുന്പുമാണ് ഇയാള് ഇത്തരത്തില് മദ്യമാണെന്ന പേരില് കോളവില്പ്പന നടത്തിയത്. ഓച്ചിറ പൊലീസിന് കൈമാറിയ പ്രതിയെ പരാതിക്കാര് ഇല്ലാത്തതിനാല് കേസെടുത്ത് ജാമ്യത്തില് വിട്ടയച്ചു.
പ്രതികരിക്കാൻ ഇവിടെ എഴുതുക