തിരുവനന്തപുരം: തിരുവനന്തപുരത്ത് കനത്ത മഴയത്ത് നടത്തുന്ന ഉപജില്ലാ സ്കൂള് മീറ്റ് നിര്ത്തിവെക്കാന് ബാലാവകാശ കമ്മീഷൻ നിര്ദേശിച്ചു. കിളിമാനൂര്, കാട്ടാക്കാട ഉപജില്ലാ മീറ്റുകളാണ് പെരുമഴയില് നടത്തിയത്. തിരുവനന്തപുരത്ത് കനത്ത മഴ തുടരുന്നതിനാല് ഇന്നലെ ജില്ലയില് ഓറഞ്ച് അലര്ട്ട് പ്രഖ്യാപിച്ചിരുന്നു. എന്നാല് സ്കൂള് മീറ്റ് നിര്ത്താന് അധികൃതര് തയ്യാറായില്ല. സംഭവത്തില് ബാലാവകാശ കമ്മീഷന് സ്വമേധയ കേസെടുത്തു.
മത്സരം മാറ്റിവെച്ചാല് ഗ്രൗണ്ട് കിട്ടില്ലെന്നാണ് സ്കൂള് അധികൃതരുടെ വിശദീകരണം. ഓട്ടമത്സരത്തിലടക്കം പങ്കെടുത്ത കുട്ടികള് വെള്ളം നിറഞ്ഞ ട്രാക്കിലൂടെ നനഞ്ഞ് കുതിര്ന്നാണ് ഓടിയത്.
നനഞ്ഞ് വിറച്ച് നില്ക്കുന്ന കുട്ടികളെ കൊണ്ട് വീണ്ടും മത്സരം നടത്താന് അധികൃതര് തയ്യാറായതോടെയാണ് ബാലാവകാശ കമ്മീഷന് ഇടപെട്ടത്. ഇന്നലെ തുടങ്ങിയ സ്കൂള് മീറ്റ് ഇന്ന് അവസാനിക്കേണ്ടതാണ്.
പ്രതികരിക്കാൻ ഇവിടെ എഴുതുക