ഗാസയില് ഇസ്രയേല് സമ്പൂര്ണ നിരോധനം ഏര്പ്പെടുത്തിയതോടെ അവശ്യ വസ്തുക്കളുടെ ലഭ്യതയ്ക്ക് പ്രദേശത്ത് കടുത്ത ക്ഷാമമാണ് അനുഭവപ്പെടുന്നതെന്ന് റിപ്പോർട്ട്. ഭക്ഷണവും വെള്ളവും അടക്കമുള്ള അടിസ്ഥാനസൗകര്യങ്ങള് വരെ ലഭിക്കാത്ത അവസ്ഥയാണ് നിലവിൽ ഉള്ളത് എന്നാണ് പുറത്തു വരുന്ന റിപ്പോർട്ടുകൾ വ്യക്തമാക്കുന്നത്.
അതുപോലെ ഗാസയിലെ ഒരേയൊരു ക്യാന്സര് സെന്റര് കടുത്ത പ്രതിസന്ധി നേരിടുന്നു എന്ന വാർത്തകളും പുറത്തു വരുന്നുണ്ട്. ആശുപത്രിയിലേക്കുള്ള അടിസ്ഥാന വസ്തുക്കളുടെ വിതരണം നിലച്ചതും ആവശ്യമായ മരുന്നുകള് ലഭിക്കാത്തതുമാണ് ആശുപത്രിയുടെ പ്രവര്ത്തനത്തെ ബാധിക്കുന്നതെന്നാണ് അധികൃതർ പറയുന്നത്.
അവശ്യ സേവനങ്ങള് നിലനിര്ത്താന് ശ്രമിക്കുന്നുണ്ടെന്നും എന്നാല് റേഡിയോളജി പോലുള്ളവ ഇതിനോടകം നിര്ത്തേണ്ടിവന്നുവെന്നും അവർ കൂട്ടിച്ചേര്ത്തു. ഗാസയില് 9000ത്തിലധികം ക്യാന്സര് രോഗികളുണ്ടെന്നാണ് ഈ വര്ഷമാദ്യം ആരോഗ്യ മന്ത്രാലയം പുറത്തിറക്കിയ റിപ്പോര്ട്ടിലുള്ളത്. അവശ്യ വസ്തുക്കളും അവശേഷിക്കുന്ന ഇന്ധനവും കൂടി തീര്ന്നാല് ആയിരക്കണക്കിന് രോഗികളുടെ ജീവന് അപകടത്തിലാകും.
പ്രതികരിക്കാൻ ഇവിടെ എഴുതുക