തിരുവനന്തപുരം: തിരുവനന്തപുരം അണ് എംപ്ലോയീസ് സോഷ്യല് വെല്ഫെയര് സഹകരണ സംഘത്തിലെ നിക്ഷേപത്തട്ടിപ്പില് മുന്മന്ത്രിയും കോണ്ഗ്രസ് നേതാവുമായ വി.എസ് ശിവകുമാറിനെതിരേ കേസെടുത്തു. കേസിലെ മൂന്നാം പ്രതിയാക്കാണ് കേസെടുത്തിരിക്കുന്നത്. സൊസൈറ്റിയിലെ നിക്ഷേപകരുടെ പരാതിയുടെ അടിസ്ഥാനത്തിലാണ് നടപടി.
ബാങ്കിലെ നിക്ഷേപകനായ ശാന്തിവിള സ്വദേശിയായ മധുസൂദനനാണ് പരാതി നല്കിയത്. 10 ലക്ഷം രൂപയാണ് മധുസൂദനന് ബാങ്കില് നിക്ഷേപിച്ചത്. ശിവകുമാര് പറഞ്ഞത് അനുസരിച്ചാണ് ബാങ്കില് പണം നിക്ഷേപിച്ചതെന്നാണ് പരാതിയില് പറയുന്നത്. ബാങ്ക് പ്രസിഡന്റ് രാജേന്ദ്രനാണ് കേസിലെ ഒന്നാം പ്രതി. രാജേന്ദ്രന് വി.എസ് ശിവകുമാറിന്റെ ബിനാമിയാണെന്നാണ് പരാതിക്കാരടക്കം ആരോപിക്കുന്നത്.
കിള്ളിപ്പാലം, വെള്ളായണി, നേമം എന്നിവിടങ്ങളിലായിരുന്നു അണ് എംപ്ലോയീസ് സോഷ്യല് വെല്ഫയര് കോ- ഓപ്പറേറ്റീവ് സൊസൈറ്റിക്ക് ശാഖകള് ഉണ്ടായിരുന്നത്. ഇവിടങ്ങളില് നിക്ഷേപം നടത്തിയവര്ക്കാണ് പണം നഷ്ടമായതെന്നാണ് ആരോപണം. 300ലേറെപ്പേര്ക്കായി 13 കോടിയോളം രൂപ ഇത്തരത്തില് നിക്ഷേപത്തുക കിട്ടാനുണ്ടെന്നും പ്രതിഷേധക്കാര് പറയുന്നു.
പ്രതികരിക്കാൻ ഇവിടെ എഴുതുക