തിരുവനന്തപുരം: സംസ്ഥാനത്തെ കര്ഷകരില് നിന്ന് നെല്ല് സംഭരിക്കുന്നതിന് സംസ്ഥാന സിവില് സപ്ലൈസ് കോര്പറേഷന് 200 കോടി രുപ അനുവദിച്ചു. നെല്ല് സംഭരണ പ്രവര്ത്തനങ്ങള് സുഗമമായി നടക്കുന്നതിന് സംസ്ഥാന പ്രോത്സാഹന ബോണസ് ആയാണ് തുക അനുവദിച്ചതെന്ന് ധനകാര്യ മന്ത്രി കെ.എന് ബാലഗോപാല് അറിയിച്ചു.
കഴിഞ്ഞ ജൂലൈയില് സപ്ലൈകോയ്ക്ക് 250 കോടി രൂപ അനുവദിച്ചിരുന്നു. വിപണി ഇടപെടലിന് 190 കോടി രൂപയും നെല്ല് സംഭരണത്തിന് 60 കോടി രൂപയുമാണ് അനുവദിച്ചത്. ഇതിനുപുറമെ, സംഭരിച്ച് സൂക്ഷിച്ചിരുന്ന നെല്ല് പ്രളയക്കാലത്ത് നശിച്ചതിന് നഷ്ടപരിഹാരമായി മില്ലുടമകള്ക്ക് നല്കാന് 10 കോടി രുപയും നല്കി.
ഓരോ സീസണിലും ശരാശരി 50 മില്ലുകള് നെല്ല് സംഭരണത്തിന് വന്നിരുന്ന സ്ഥാനത്ത് ഇത്തവണ 11 മില്ലുകള് മാത്രമാണ് രംഗത്തുള്ളത്. ബാങ്ക് കണ്സോര്ഷ്യത്തിന്റെ നിഷേധാത്മക നിലപാടും കുടിശിക കൈമാറുന്നതില് കേന്ദ്ര സര്ക്കാരിന്റെ വീഴ്ചയും മൂലം കര്ഷകര്ക്ക് യഥാസമയം നെല്ലിന്റെ പണം കൈമാറാനും കഴിയാത്ത അവസ്ഥയാണ്. കഴിഞ്ഞ സീസണില് സംഭരിച്ച നെല്ലും ഇനി കൊയ്യാനുള്ള നെല്ലും ഈടുവെച്ച് സപ്ലൈകോ കടമെടുത്തത് 2500 കോടിയാണ്.
പ്രതികരിക്കാൻ ഇവിടെ എഴുതുക