തിരുവനന്തപുരം: കളമശേരി സ്ഫോടനത്തിന്റെ പശ്ചാത്തലത്തില് സര്വ്വകക്ഷി യോഗം വിളിച്ച് മുഖ്യമന്ത്രി പിണറായി വിജയന്. തിങ്കളാഴ്ച രാവിലെ പത്തിന് സെക്രട്ടറിയേറ്റിലെ മുഖ്യമന്ത്രിയുടെ കോണ്ഫറന്സ് ഹാളിലാണ് യോഗം ചേരുക. എല്ലാ പാര്ട്ടി പ്രതിനിധികളെയും യോഗത്തിലേക്ക് ക്ഷണിച്ചിട്ടുണ്ട്.
കളമശ്ശേരിയിലെ സ്ഫോടനത്തില് അങ്ങേയറ്റം ദൗര്ഭാഗ്യകരമായ സംഭവമാണെന്ന് മുഖ്യമന്ത്രി പിണറായി വിജയന് പ്രതികരിച്ചിരുന്നു. സംഭവത്തെ ഗൗരവമായി കാണുന്നുവെന്നും മുഖ്യമന്ത്രി പറഞ്ഞു. കാര്യങ്ങള് പരിശോധിച്ചുവരികയാണ്. ഡിജിപി ഉടന് സംഭവവസ്ഥലത്തെത്തും. ഗൗരവമായി കാര്യങ്ങള് നീക്കുന്നുണ്ടെന്നും മുഖ്യമന്ത്രി വ്യക്തമാക്കി.
ഡല്ഹിയില് പലസ്തീന് ഐക്യദാര്ഢ്യ പരിപാടിയില് പങ്കെടുക്കാനായി പോയ മുഖ്യമന്ത്രി കേരളത്തിലേക്ക് തിരിച്ചിട്ടുണ്ട്. വൈകുന്നേരത്തോടെ തിരുവനന്തപുരത്ത് എത്തുന്ന അദ്ദേഹം മാധ്യമങ്ങളെ കാണുമെന്ന് അറിയിച്ചിട്ടുണ്ട്. ഇന്ന് രാവിലെ 9.30നാണ് കളമശേരിക്കു സമീപമുള്ള കണ്വെന്ഷന് സെന്ററില് സ്ഫോടനമുണ്ടായത്. മൂന്നിലേറെ സ്ഫോടനങ്ങളില് ഒരാള് മരിക്കുകയും നിരവധി പേര്ക്ക് പരിക്കേല്ക്കുകയും ചെയ്തു. യഹോവ സാക്ഷികളുടെ സമ്മേളനം നടക്കുന്നതിനിടെയാണ് സംഭവം.
പ്രതികരിക്കാൻ ഇവിടെ എഴുതുക