ഡല്ഹി: നാഷണല് ഹെറാള്ഡ് കേസില് കോണ്ഗ്രസ് നേതാക്കളായ സോണിയ ഗാന്ധിയേയും രാഹുല് ഗാന്ധിയേയും ഇഡി വീണ്ടും ചോദ്യം ചെയ്തേക്കും. കോടതിയില് കുറ്റപത്രം സമര്പ്പിക്കുന്നതിന് മുന്നോടിയായാണ് ഇരുവരെയും വീണ്ടും ചോദ്യം ചെയ്യാന് ആലോചിക്കുന്നതെന്നാണ് റിപ്പോര്ട്ടുകള്.
ഇഡി കഴിഞ്ഞ വര്ഷം സോണിയ ഗാന്ധിയെ മൂന്ന് ദിവസവും, രാഹുല് ഗാന്ധിയെ അഞ്ച് ദിവസവും ചോദ്യം ചെയ്തിരുന്നു. കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ, മുന് ട്രഷറര് പവന് കുമാര് ബന്സല് എന്നിവരെ കഴിഞ്ഞ വര്ഷം ഒന്നിലേറെ തവണ ഇഡി ചോദ്യം ചെയ്തിരുന്നു. ഇതിന് പുറമെ പവന് ബന്സാലിനെ കഴിഞ്ഞ രണ്ട് ദിവസമായി ഇഡി ചോദ്യം ചെയ്യുകയാണ്.
ഡല്ഹിയിലെ നാഷണല് ഹെറാള്ഡ് ഓഫീസില് ഉള്പ്പടെ നടത്തിയ റെയ്ഡുകളില് ലഭിച്ച രേഖകളുടെ അടിസ്ഥാനത്തിലാണ് ബന്സാലിനോട് ചോദ്യങ്ങള് ചോദിച്ചതെന്നാണ് സൂചന. യങ് ഇന്ത്യ എന്ന കമ്പനിയിലേക്ക് 2019 വരെ ഷെല് കമ്പനികളില് നിന്ന് പണം കൈമാറ്റം ചെയ്യപ്പെട്ടുവെന്ന രേഖകള് റെയ്ഡുകളില് കണ്ടെത്തിയതായി ഇഡി വൃത്തങ്ങള് അവകാശപ്പെട്ടിരുന്നു.
പ്രതികരിക്കാൻ ഇവിടെ എഴുതുക