നിരവധി ആരോഗ്യ ഗുണങ്ങള് അടങ്ങിയിട്ടുള്ള അവക്കാഡോ അഥവാ വെണ്ണപ്പഴം. വിറ്റാമിനുകളും ആന്റി ഓക്സിഡന്റുകളും അവക്കാഡോയില് അടങ്ങിയിട്ടുണ്ട്. ഫൈബര്, ആരോഗ്യകരമായ കൊഴുപ്പ്, പ്രോട്ടീന്, പൊട്ടാസ്യം, മഗ്നീഷ്യം, വിറ്റാമിന് ബി, വിറ്റാമിന് ഇ തുടങ്ങിയവ അവക്കാഡോയില് നിന്നും ലഭിക്കും.
ദിവസവും അവക്കാഡോ കഴിക്കുന്നത് കൊണ്ട് നിരവധി ഗുണങ്ങളാണ് ഉള്ളത്. അവക്കാഡോ പതിവായി കഴിക്കുന്നത് ചീത്ത കൊളസ്ട്രോള് കുറയ്ക്കാനും നല്ല കൊളസ്ട്രോള് കൂടാനും സഹായിക്കും. അതുപോലെ പൊട്ടാസ്യം, മഗ്നീഷ്യം, ഫൈബര് തുടങ്ങിയവ ധാരാളം അടങ്ങിയ ഇവ ഉയര്ന്ന രക്തസമ്മര്ദ്ദത്തെ നിയന്ത്രിക്കാനും അതുവഴി ഹൃദയാരോഗ്യം സംരക്ഷിക്കാനും സഹായിക്കും.
ഫൈബര് ധാരാളം അടങ്ങിയിരിക്കുന്ന അവക്കാഡോ പ്രമേഹത്തെ നിയന്ത്രിക്കാനും സഹായിക്കും. നാരുകള് അടങ്ങിയിരിക്കുന്നതിനാല് അവക്കാഡോ കഴിക്കുന്നത് ദഹനം മെച്ചപ്പെടുത്താനും കുടലിന്റെ ആരോഗ്യത്തിനും ഗുണം ചെയ്യും. അവക്കാഡോ പതിവായി കഴിക്കുന്നത് കണ്ണുകളുടെ ആരോഗ്യത്തിനും നല്ലതാണ്. ഫൈബര് ധാരാളം അടങ്ങിയ അവക്കാഡോ ദിവസവും കഴിക്കുന്നത് വിശപ്പ് കുറയ്ക്കാനും അതുവഴി വണ്ണം കുറയ്ക്കാനും സഹായിക്കും.
ചര്മ്മത്തിലെ ദൃഢതയും ഇലാസ്തികതയും നിലനിര്ത്തുന്ന കൊളാജിന് വര്ധിപ്പിക്കാന് അവക്കാഡോയില് അടങ്ങിയിരിക്കുന്ന ഒമേഗ 3 ഫാറ്റി ആസിഡ് സഹായിക്കും. ചര്മ്മത്തിലെ ജലാംശം നിലനിര്ത്താനും അവക്കാഡോയ്ക്ക് കഴിയും. അതുകൊണ്ടു തന്നെ ചര്മ്മം കൂടുതല് ചെറുപ്പമായി തോന്നുകയും ചെയ്യും.
പ്രതികരിക്കാൻ ഇവിടെ എഴുതുക