ആൻഡ്രോയ്ഡ് സ്മാർട്ട്ഫോൺ ഉപയോഗിക്കുന്നവർക്ക് സുരക്ഷാ മുന്നറിയിപ്പുമായി ഇന്ത്യൻ കമ്പ്യൂട്ടർ എമർജൻസി റെസ്പോൺസ് ടീമിലെ (CERT-IN) വിദഗ്ധർ. ആൻഡ്രോയിഡ് ഓപ്പറേറ്റിങ് സിസ്റ്റങ്ങളിൽ ഒന്നിലധികം കേടുപാടുകൾ കണ്ടെത്തിയതായി മുന്നറിയിപ്പ് നൽകി. ആൻഡ്രോയ്ഡ് 11,12,12L,13,14 എന്നിവയിൽ ഇത് ബാധിച്ചിട്ടുണ്ടെന്നാണ് റിപ്പോർട്ട്.
CERT-IN പുറത്തുവിട്ട റിപ്പോർട്ടിൽ അഞ്ചോളം ആൻഡ്രോയ്ഡ് ഒ.എസ് പതിപ്പുകൾ ഉള്ളതിനാൽ നിരവധി ആൻഡ്രോയ്ഡ് സ്മാർട്ട്ഫോണുകളെ സുരക്ഷാ പ്രശ്നം ബാധിച്ചിട്ടുണ്ട്.
കേന്ദ്ര ഇലക്ട്രോണിക്സ് ആന്റ് ഇൻഫർമേഷൻ ടെക്നോളജി മന്ത്രാലയത്തിന് കീഴിൽ പ്രവർത്തിക്കുന്ന ഇന്ത്യൻ സൈബർ സെക്യൂരിറ്റി ഏജൻസി പറയുന്നത് അനുസരിച്ച്, സുരക്ഷാ വീഴ്ചകൾ ഉപയോഗപ്പെടുത്തി സൈബർ കുറ്റവാളികൾക്ക് നിങ്ങളുടെ സ്മാർട്ട്ഫോണിന്റെ നിയന്ത്രണം തന്നെ ഏറ്റെടുക്കാൻ കഴിഞ്ഞേക്കും. ഉപയോക്താവിന്റെ സ്വകാര്യ വിവരങ്ങളും ഫയലുകളും മറ്റും നേടിയെടുക്കാൻ പോലും കഴിയുമെന്നും സി.ഇ.ആർ.ടി സൂചിപ്പിക്കുന്നു.
“ഫ്രെയിം വർക്ക്, സിസ്റ്റം, ഗൂഗിൾ പ്ലേ സിസ്റ്റം അപ്ഡേറ്റുകൾ, കേർണൽ എൽടിഎസ്, ആം ഘടകങ്ങൾ, മീഡിയടെക് ഘടകങ്ങൾ, ക്വാൽകോം ഘടകങ്ങൾ, ക്വാൽകോം ക്ലോസ്ഡ് സോഴ്സ് ഘടകങ്ങൾ എന്നിവയിലെ പിഴവുകൾ കാരണമാണ് ഈ കേടുപാടുകൾ Android-ൽ നിലനിൽക്കുന്നതെന്ന് ” CERT-IN അറിയിച്ചിട്ടുണ്ട്.
പ്രതികരിക്കാൻ ഇവിടെ എഴുതുക