തിരുവനന്തപുരം: സംസ്ഥാന ഇന്ഷുറന്സ് വകുപ്പിന്റെ ജീവന് രക്ഷാ ഇന്ഷുറന്സ് പദ്ധതി ആനുകൂല്യങ്ങള് ഉയര്ത്തി. അപകട മരണത്തിന് 15 ലക്ഷം രൂപയും സ്വാഭാവിക മരണത്തിന് അഞ്ച് ലക്ഷം രൂപയും പരിരക്ഷ ലഭിക്കും. അപകടത്തെ തുടര്ന്ന് പൂര്ണമായും ശയ്യാവലംബമാകുന്ന സ്ഥിതിയില് 15 ലക്ഷം രൂപയുടെ പരിരക്ഷ ഉണ്ടാകും.
80 ശതമാനത്തില് കൂടുതല് വൈകല്യം സംഭവിച്ചാലും ഇതേ ആനുകൂല്യമുണ്ടാകും.60 മുതല് 80 ശതമാനം വരെ വൈകല്യത്തിന് 75 ശതമാനവും, 40 മുതല് 60 ശതമാനം വരെ വാഗ്ദത്ത തുകയുടെ 50 ശതമാനവും നഷ്ടപരിഹാരം അനുവദിക്കും. അപകടത്തില് കൈ, കാല്, കാഴ്ച, കേള്വി നഷ്ടങ്ങള്ക്കും പരിരക്ഷ ഉണ്ടാകും.
വാഗ്ദത്ത തുകയുടെ 40 മുതല് 100 ശതമാനം വരെയാണ് നഷ്ടപരിഹാരം ഉറപ്പാക്കുക. കൈവിരലുകളുടെ നഷ്ടത്തിന് ഏത് വിരല്, എത്ര ഭാഗം എന്നത് കണക്കാക്കിയാണ് നഷ്ടപരിഹാരം നിശ്ചയിക്കുന്നത്.
പ്രതികരിക്കാൻ ഇവിടെ എഴുതുക