വണ്ണം കുറയ്ക്കാൻ ആഗ്രഹിക്കുന്നവർ ആണോ നിങ്ങൾ? ശരിയായ ഭക്ഷണരീതിയിലൂടെയും ജീവിതശൈലിയിലൂടെയും മാത്രമേ വണ്ണം കുറയ്ക്കാന് കഴിയുകയുള്ളൂ. വണ്ണം കുറയ്ക്കാന് പ്രധാനമായി ശീലമാക്കേണ്ട കാര്യങ്ങള്
രാവിലെ എഴുന്നേറ്റാല് തന്നെ ഗ്രീന് ടീ കുടിക്കാം.
വെള്ളം ധാരാളം കുടിക്കുക എന്നതാണ് വണ്ണം കുറയ്ക്കാനായി ശ്രമിക്കുന്നവര് മുടങ്ങാതെ ചെയ്യേണ്ട കാര്യം. ഭക്ഷണം കഴിക്കുന്നതിന് മുമ്പ് വെള്ളം കുടിക്കുന്നത് വിശപ്പ് കുറയ്ക്കാന് സഹായിക്കും. അതുവഴി ശരീരഭാരം നിയന്ത്രിക്കാന് കഴിയും.
പ്രഭാത ഭക്ഷണം മുടക്കുന്നത് വിശപ്പ് കൂട്ടാനും അതുവഴി വണ്ണം കൂടാനും കാരണമാകും. രാവിലെ പ്രോട്ടീന് ധാരാളം അടങ്ങിയ ഭക്ഷണങ്ങള് തന്നെ കഴിക്കുക.
ഫൈബര് ധാരാളം അടങ്ങുന്ന ഭക്ഷണങ്ങള് കഴിക്കുന്നതും വിശപ്പിനെ നിയന്ത്രിക്കാന് സഹായിക്കും.
കലോറിയും കാര്ബോഹൈഡ്രേറ്റും വളരെ കുറഞ്ഞ ഭക്ഷണങ്ങള് ഡയറ്റില് ഉള്പ്പെടുത്തുക.
എണ്ണയില് വറുത്തതും പൊരിച്ചതുമായ ഭക്ഷണങ്ങള് ഡയറ്റില് നിന്ന് പരമാവധി ഒഴിവാക്കുക.
പഞ്ചസാരയുടെ അമിത ഉപയോഗവും കുറയ്ക്കുക. ഉയർന്ന തോതിൽ മധുരം ശരീരത്തിലെത്തുന്നത് വയറിൽ കൊഴുപ്പ് അടിയാൻ ഇടയാക്കും.
ദിവസവും വ്യായാമം ചെയ്യുക എന്നത് ഏറെ പ്രധാനപ്പെട്ട കാര്യമാണ്. കുറഞ്ഞത് അര മണിക്കൂറെങ്കിലും വ്യായാമം ചെയ്യണം.
സ്ട്രെസ് നിയന്ത്രിക്കുന്നതും അമിത വിശപ്പ് തടയാന് സഹായിക്കും. അതിനാല് സ്ട്രെസ് കുറയ്ക്കാന് ശ്വസന വ്യായാമങ്ങളും ധ്യാനവും യോഗയുമൊക്കെ ശീലമാക്കാം.
രാത്രി ശരിയായി ഉറങ്ങിയില്ലെങ്കിലും വണ്ണം കൂടാം. ഉറക്കക്കുറവ് വിശപ്പ് വര്ധിപ്പിക്കാന് കാരണമാകും. അതിനാല് ദിവസവും രാത്രി കുറഞ്ഞത് എട്ട് മണിക്കൂര് എങ്കിലും ഉറങ്ങാന് ശ്രമിക്കുക.
പ്രതികരിക്കാൻ ഇവിടെ എഴുതുക