പ്രായമാകുന്നതിനനുസരിച്ച് മനുഷ്യരുടെ മുഖത്തും ശരീരത്തും പ്രത്യക്ഷപ്പെടുന്ന ഒന്നാണ് ചുളിവുകൾ. ചര്മ്മം ചെറുപ്പമായിരിക്കാന് വീട്ടില് പരീക്ഷിക്കാവുന്ന ചില ഫേസ് പാക്കുകൾ നോക്കാം.
പപ്പായ കൊണ്ടുള്ള ഫേസ് പാക്കാണ് ആദ്യം. പപ്പായയില് അടങ്ങിയിരിക്കുന്ന ആന്റി ഓക്സിഡന്റുകള് ചര്മ്മത്തിലെ ചുളിവുകളെ തടയുന്നു. ഇതിനായി ആദ്യം വിളഞ്ഞ പപ്പായ നാലായി മുറിച്ചതിന് ശേഷം അതില് നിന്ന് ഒരു ഭാഗം എടുക്കുക. ശേഷം ഒരു ടീസ്പൂണ് തേനും അര ടീസ്പൂണ് നാരങ്ങാ നീരും പപ്പായയും ചേര്ത്ത് മിശ്രിതമാക്കുക. ഇത് മുഖത്ത് പുരട്ടി 30 മിനിറ്റിന് ശേഷം കഴുകി കളയാം.
മുട്ടയും ചര്മ്മത്തിലെ ചുളിവുകളെ തടയാന് സഹായിക്കും. ഒരു മുട്ടയുടെ വെള്ള, ഒരു ടീസ്പൂണ് തൈര്, ഒരു ടീസ്പൂണ് തേന്, ഒരു ടീസ്പൂണ് വെള്ളരിക്ക നീര് എന്നിവ എടുത്ത് നന്നായി മിശ്രിതമാക്കാം. ഇനി ഈ മിശ്രിതം മുഖത്തും കഴുത്തിലും പുരട്ടി 15 മിനിറ്റിന് ശേഷം കഴുകി കളയാം.
മുഖത്തെ ചുളിവുകള് അകറ്റാന് കോഫിയും സഹായിക്കും. കോഫിയിലിടങ്ങിയിരിക്കുന്ന ആന്റി ഓക്സിഡന്റുകൾ ആണ് ഇതിന് സഹായിക്കുന്നത്. ഇതിനായി കോഫി വെളിച്ചെണ്ണയിലോ ഒലീവ് ഓയിലിലോ ചേര്ത്ത് മിശ്രിതമാക്കാം. ശേഷം ഈ മിശ്രിതം മുഖത്ത് പുരട്ടാം. 15 മിനിറ്റിന് ശേഷം കഴുകി കളയാം.
പ്രതികരിക്കാൻ ഇവിടെ എഴുതുക