കേരളത്തില് നാല് മാസത്തിനിടെ 3200 മൊബൈല് ഫോണുകളും ടാബുകളും ടലികോം റെഗുലേറ്ററി അതോറിറ്റി ഓഫ് ഇന്ത്യ. ഓണ്ലൈന് സാമ്പത്തിക തട്ടിപ്പ് നടത്തിയതും അതിനു ശ്രമിച്ചതുമായ മൊബൈല് ഫോണുകളും ടാബുകളുമാണ് നിര്ജീവമാക്കിയത്. കേരള പൊലീസ് നല്കിയ റിപ്പോര്ട്ടിന്റെ അടിസ്ഥാനത്തിലാണ് ഇവ നിര്ജീവമാക്കിയത്.
ഇതോടൊപ്പം തന്നെ കേരളത്തില് നിന്ന് പണം തട്ടിയെടുത്ത രണ്ടായിരത്തോളം ഇതര സംസ്ഥാന ബാങ്ക് അക്കൗണ്ടുകള് റദ്ദാക്കുകയും 173 ലോണ് ആപ്പുകള് നിരോധിക്കുകയും ചെയ്തു. മൊബൈല് ഫോണുകള് ഉത്തരേന്ത്യന് സംസ്ഥാനങ്ങള് കേന്ദ്രീകരിച്ച് സൈബര് തട്ടിപ്പ് നടത്തുന്ന സംഘങ്ങളുടേതാണെന്നാണ് റിപ്പോര്ട്ട്. മൊബൈല് ഫോണുകളുടെ ഐഎംഇഐ നമ്പരുകള് ഉള്പെടുത്തിയാണ് പൊലീസ് റിപ്പോര്ട്ട് നല്കിയത്.
മൊബൈല് ഫോണുകളില് ഉപയോഗിച്ച 1800 സിം കാര്ഡുകളും ബ്ലോക്ക് ചെയ്തു. ഇതില് ആയിരത്തോളം ഫോണുകള് ലോണ് ആപ്പുമായി ബന്ധപ്പെട്ട കമ്പനികളുടേതാണ്. കേരളത്തില് ലോണ് ആപ്പ് വഴി വായ്പയെടുത്തവരെ ഭീഷണിപ്പെടുത്താനുപയോഗിച്ച ഫോണുകളാണ്. ലോണ് ആപ്പ് കളിലൂടെയുള്ള തട്ടിപ്പിനെ തുടര്ന്ന് ഈ വര്ഷം 1427 പരാതിക്കാരാണ് പൊലീസിന് ലഭിച്ചത്. 2022ല് 1340 പരാതികളും 2021ല് 1400 പരാതികളുമാണ് ലഭിച്ചിട്ടുള്ളത്.
പ്രതികരിക്കാൻ ഇവിടെ എഴുതുക