മസാല ബോണ്ട് കേസില് മുന് ധനമന്ത്രി ഡോ. ടി എം തോമസ് ഐസക്കിന് ആശ്വാസ വിധി. സമന്സ് അയയ്ക്കാന് ഇ ഡിയ്ക്ക് അനുമതി നല്കിയ സിംഗില് ബെഞ്ച് ഉത്തരവ് ഹൈക്കോടതി ഡിവിഷന് ബെഞ്ച് റദ്ദാക്കി എന്നാണ് പുറത്തു വരുന്ന റിപ്പോർട്ട്.
ഒരേ ഹര്ജിയില് സിംഗില് ബെഞ്ചിട്ട ഇടക്കാല ഉത്തരവ് പരിഷ്കരിച്ച് വീണ്ടും ഉത്തരവിടാന് മറ്റൊരു സിംഗില് ബെഞ്ചിന് സാധിക്കില്ലെന്ന് ഡിവിഷന് ബെഞ്ച് ചൂണ്ടിക്കാട്ടി ആണ് ഉത്തരവ് റദ്ദാക്കിയത്. നിലവില് കേസ് പരിഗണിച്ചുകൊണ്ടിരിക്കുന്ന സിംഗില് ബെഞ്ച് ജഡ്ജിനോട് കേസില് വിശദമായ വാദം കേട്ട് അന്തിമ ഉത്തരവ് പുറപ്പെടുവിക്കാനും ബെഞ്ച് നിര്ദേശം നല്കി.
അതുകൊണ്ട് തന്നെ ഇതില് അന്തിമ ഉത്തരവ് വരുന്നതുവരെ തോമസ് ഐസക്കിന് ഇ ഡിയ്ക്ക് സമന്സ് അയയ്ക്കാന് സാധിക്കില്ല. അന്വേഷണത്തിന്റെ പേരില് ഇ.ഡി തുടര്ച്ചയായി സമന്സ് നല്കി ബുദ്ധിമുട്ടിക്കുകയാണെന്നാരോപിച്ച് തോമസ് ഐസക്കിന് പുറമെ കിഫ്ബി സിഇഒ കെ.എം എബ്രഹാം, ജോയിന്റ ഫണ്ട് മാനേജര് ആനി ജൂല തോമസ് എന്നിവരും കോടതിയെ സമീപിച്ചിരുന്നു.
പ്രതികരിക്കാൻ ഇവിടെ എഴുതുക