ഹൃത്വിക് റോഷന്, ദീപിക പദുകോണ്, അനില് കപൂര് എന്നിവര് കേന്ദ്ര കഥാപാത്രങ്ങളായി എത്തുന്ന ചിത്രം ‘ഫൈറ്റര്’ ടീസര് പുറത്തിറങ്ങി. പഠാന് ശേഷം സിദ്ധാര്ഥ് ആനന്ദ് സംവിധാനം ചെയ്യുന്ന ചിത്രമാണ് ‘ഫൈറ്റര്’. കരണ് സിങ് ഗ്രോവര്, അക്ഷയ് ഒബ്റോയി, സഞ്ജീത ഷെയ്ക്ക് എന്നിവരാണ് ചിത്രത്തിലെ മറ്റു പ്രധാന താരങ്ങള്.
എയര് ഫോഴ്സ് ഉദ്യോഗസ്ഥനായ ഷംഷേര് പത്താനിയ എന്ന കഥാപാത്രമായാണ് ഹൃത്വിക് എത്തുന്നത്. സ്ക്വാഡ്രണ് ലീഡര് മിനാല് റാത്തോഡ് എന്ന കഥാപാത്രത്തെയാണ് ദീപിക അവതരിപ്പിക്കുന്നത്. 2024 ജനുവരി രണ്ടിന് ചിത്രം തീയേറ്ററുകളിലേക്ക് എത്തും. രമോണ് ചിബ്, സിദ്ധാര്ഥ് ആനന്ദ് എന്നിവര് ചേര്ന്നാണ് തിരക്കഥ ഒരുക്കുന്നത്. വിയാകോം 18 സ്റ്റുഡിയോസും മര്ഫ്ലിക്സ് പിക്ചേഴ്സും ചേര്ന്നാണ് നിര്മാണം. 250 കോടിയാണ് ചിത്രത്തിന്റെ ബജറ്റ്.
പ്രതികരിക്കാൻ ഇവിടെ എഴുതുക