ഡല്ഹി: കൊവിഡ് ഉപവകഭേദം ജെഎന് 1 ഗോവയിലും മഹാരാഷ്ട്രയിലും കണ്ടെത്തി. ഗോവയില് ചലച്ചിത്ര മേളയ്ക്കുശേഷമുള്ള പരിശോധനയിലാണ് 18 കേസുകള് കണ്ടെത്തിയത്. കേരളത്തില് നേരത്തെ കണ്ടെത്തിയ കൊവിഡ് ഉപവകഭേദമായ ജെഎന്1 ആണ് ഗോവയിലും മഹാരാഷ്ട്രയിലും കണ്ടെത്തിയത്. മഹാരാഷ്ട്രയിലും രോഗലക്ഷണമുള്ളവരില് നടത്തിയ പരിശോധനയിലാണ് പുതിയ ഉപവകഭേദം സ്ഥിരീകരിച്ചത്.
അതേസമയം, കോവിഡ് കേസുകള് ഉയരുന്നതിന്റെ പശ്ചാത്തലത്തില് കന്ദ്ര ആരോഗ്യമന്ത്രി വിളിച്ച യോഗം ഇന്ന് ചേരും. എല്ലാ സംസ്ഥാനങ്ങളിലെയും ആരോഗ്യമന്ത്രിമാരും ഉന്നത ഉദ്യോഗസ്ഥരും യോഗത്തില് പങ്കെടുക്കും. രാവിലെ 10 മണിക്കാണ് യോഗം. കേരളം സ്വീകരിച്ച നടപടികള് യോഗത്തില് അറിയിക്കും.
രോഗ വ്യാപനം തടയുന്നതായി സ്വീകരിക്കേണ്ട നടപടികള് ഊര്ജിതമാക്കാന് സംസ്ഥാനങ്ങളോട് കേന്ദ്രം നിര്ദേശിക്കും.രാജ്യത്തെ ആക്ടീവ് കേസുകളില് 88 ശതമാനവും നിലവില് കേരളത്തിലാണ്. കേരളത്തില് സ്ഥിതിഗതികള് നിയന്ത്രണവിധേയമാണെന്നും മുന്കരുതല് നടപടികള് സ്വീകരിച്ചിട്ടുണ്ടെന്നും കേരളം കേന്ദ്രത്തെ അറിയിക്കും.
പ്രതികരിക്കാൻ ഇവിടെ എഴുതുക