ഡല്ഹി: കേരളത്തില് കൊവിഡ് കേസുകളില് വീണ്ടും വര്ധനവ്. തുടര്ച്ചയായി മൂന്നാം ദിവസവും 200 ന് മുകളില് കേസുകള് റിപ്പോര്ട്ട് ചെയ്തു. 24 മണിക്കൂറിനിടെ പുതുതായി 266 കൊവിഡ് കേസുകളാണ് സ്ഥിരീകരിച്ചത്. രണ്ട് കൊവിഡ് മരണവും റിപ്പോര്ട്ട് ചെയ്തു.
കേന്ദ്ര ആരോഗ്യ മന്ത്രാലയം പുറത്തുവിട്ട കണക്കുകളിലാണ് ഇക്കാര്യം വ്യക്തമാക്കിയിരിക്കുന്നത്. ഇതോടെ സംസ്ഥാനത്തെ ആകെ ആക്ടീവ് കേസുകളുടെ എണ്ണം 2872 ആയി. ഇന്നലെ രാജ്യത്താകെ 423 കേസുകളാണ് സ്ഥിരീകരിച്ചത്. രാജ്യത്തെ 83.97 ശതമാനം കൊവിഡ് രോഗികളും നിലവില് കേരളത്തിലാണ്.
കര്ണാടകയിലും കൊവിഡ് രോഗികള് എണ്ണം ഉയരുകയാണ്. ഇന്നലെ 70 പുതിയ കേസുകളാണ് കര്ണാടകയില് സ്ഥിരീകരിച്ചത്. ഇതോടെ രാജ്യത്തെ ആക്ടീവ് കേസുകളുടെ എണ്ണം 3420 ആയി. കൊവിഡ് സ്ഥിരീകരിച്ച എല്ലാ സാമ്പിളുകളും ജനിതകശ്രേണീ പരിശോധനയ്ക്ക് അയക്കാനും കേന്ദ്ര ആരോഗ്യമന്ത്രാലയം നിര്ദേശിച്ചു.
പ്രതികരിക്കാൻ ഇവിടെ എഴുതുക