കൊച്ചി: 10 വയസുകാരിയായ മകളെ മദ്യം നല്കി ശ്വാസം മുട്ടിച്ച് കൊലപ്പെടുത്തിയ കേസില് ഇന്ന് പുറപ്പെടുവിക്കും. കൊല്ലപ്പെട്ട് 10 വയസ്സുകാരി വൈഗയുടെ അച്ഛനായ സനുമോഹനാണ് ഏക പ്രതി. മകളുടെ മരണത്തിന് പിന്നാലെ അച്ഛനെ കാണാതായതും തുടര്ന്ന് നടത്തിയ അന്വേഷണവുമാണ് ഞെട്ടിപ്പിക്കുന്ന കൊലപാതകത്തിന്റെ ചുരുളഴിച്ചത്. കൊലപാതകവും തെളിവ് നശിപ്പിക്കലുമടക്കമുള്ള വകുപ്പുകളും ജുവനൈല് നിയമവുമാണ് സനു മോഹനെതിരെ ചുമത്തിയിരിക്കുന്നത്.
2021 മാര്ച്ച് 21 നാണ് കാക്കനാട് കങ്ങരപ്പടിയിലെ ഫ്ലാറ്റില് താമസിച്ചിരുന്ന അച്ഛനെയും മകളെയും കാണാതാവുന്നത്. കായംകുളത്തെ വീട്ടില് നിന്ന് അമ്മയോട് യാത്ര പറഞ്ഞ് പുറപ്പെട്ടതിനുശേഷം ഇരുവരെയും ബന്ധപ്പെടാന് സാധിച്ചിരുന്നില്ല. പോലീസന്റെ തിരച്ചിലിനൊടുവില് കര്ണാടകയിലെ കാര്വാറില് നിന്നാണ് സനുമോഹന് പിടിയിലാവുന്നത്.
കരീലകുളങ്ങരയിലേക്കെന്ന് പറഞ്ഞ് വൈഗയുമായി യാത്രതിരിച്ച സനുമോഹന് വഴിയില്വച്ച് കോളയില് മദ്യം കലര്ത്തി 10 വയസുകാരിയെ കുടിപ്പിച്ചു. തുടര്ന്ന് ഫ്ലാറ്റിലെത്തി മുണ്ട് കൊണ്ട് കുഞ്ഞിന്റെ കഴുത്ത് മുറുക്കി ശരീരത്തോട് ചേര്ത്തുപിടിച്ച് ശ്വാസം മുട്ടിച്ചു. ബോധരഹിതയായ കുട്ടിയെ ബെഡ് ഷീറ്റില് പൊതിഞ്ഞ് പ്രതി മുട്ടാര് പുഴയില് എറിയുകയായിരുന്നു. വൈഗയുടെ മൂക്കില് നിന്ന് പുറത്തുവന്ന രക്തം ബെഡ്ഷീറ്റ് ഉപയോഗിച്ച് തുടച്ച് തെളിവ് നശിപ്പിക്കാനും പ്രതി ശ്രമിച്ചു.
കൊലപാതകത്തിന് ശേഷം സംസ്ഥാനം വിട്ട സനുമോഹന് കോയമ്പത്തൂരിലേക്കാണ് ഒളിവില് പോയത്. കുഞ്ഞിന്റെ ശരീരത്തില് ധരിച്ചിരുന്ന ആഭരണം കൈക്കലാക്കുകയും ചെയ്തിരുന്നു. അത് വിറ്റ് കിട്ടുന്ന പണംകൊണ്ട് വിദേശത്തേക്ക് കടക്കുകയായിരുന്നു ലക്ഷ്യം. ബെംഗളൂരു, മുംബൈ, ഗോവ, മുരുഡേശ്വര്, മൂകാമ്പിക തുടങ്ങിയ സ്ഥലങ്ങളില് ഒളിവില് നടന്ന സനുമോഹനെ ഒരു മാസത്തോളമെടുത്താണ് പൊലീസ് പിടികൂടിയത.
പ്രതികരിക്കാൻ ഇവിടെ എഴുതുക