ധാക്ക: ബംഗ്ലാദേശില് വീണ്ടും അധികാരത്തിലെത്തി ഷെയ്ഖ് ഹസീന. തുടര്ച്ചയായ നാലാം തവണയാണ് ഷെയഖ് ഹസീന പ്രധാനമന്ത്രി പദവിയിലെത്തുന്നത്. ഇതോടെ അഞ്ച് തവണ ഹസീന ബംഗ്ലാദേശിന്റെ പ്രധാനമന്ത്രിയായി. വിശ്വാസ്യതയില്ലെന്നു പറഞ്ഞ് പ്രതിപക്ഷപാര്ട്ടികള് തെരഞ്ഞെടുപ്പില് നിന്നും വിട്ടുനിന്നു.
ആകെയുള്ള 300 സീറ്റില് 223 സീറ്റുകളും ഹസീനയുടെ അവാമി ലീഗ് വിജയിച്ചു. ഗോപാല്ഗഞ്ച്-3 മണ്ഡലത്തില് മത്സരിച്ച ഹസീന 2,49,965 വോട്ടോടെ ജയം ഉറപ്പാക്കുകയായിരുന്നു. 1986-നുശേഷം എട്ടാം തവണയാണ് ഹസീന ഇവിടെ ജയിക്കുന്നത്. തൊട്ടടുത്ത എതിരാളി ബംഗ്ലാദേശ് സുപ്രീം പാര്ട്ടിയിലെ എം. നിസാമുദ്ദീന് ലഷ്കര്ക്ക് 469 വോട്ടേ ലഭിച്ചുള്ളൂ. 1986-നുശേഷം എട്ടാം തവണയാണ് ഹസീന ഇവിടെ ജയിക്കുന്നത്.
40 ശതമാനം വോട്ടിംഗ് മാത്രമാണ് രേഖപ്പെടുത്തിയത്. ബംഗ്ലാദേശ് നാഷണലിസ്റ്റ് പാര്ട്ടി തെരഞ്ഞെടുപ്പു ബഹിഷ്കരിക്കാന് ആഹ്വാനം ചെയ്തിരുന്നു. രാജ്യത്തെ 300 പാര്ലമെന്റ് മണ്ഡലങ്ങളില് 299 എണ്ണത്തിലായിരുന്നു വോട്ടെടുപ്പ്. സംഘര്ഷങ്ങളുടെ പശ്ചാത്തലത്തില് ആഹ്ലാദ പ്രകടനങ്ങള് വേണ്ടെന്ന് ഹസീന പ്രവര്ത്തകരോട് ആവശ്യപ്പെട്ടിട്ടുണ്ട്.
പ്രതികരിക്കാൻ ഇവിടെ എഴുതുക