കൊച്ചി: തൊടുപുഴ ന്യൂമാൻ കോളജ് മലയാളം അധ്യാപകനായിരുന്ന ടി.ജെ ജോസഫിന്റെ കൈവെട്ടിയ കേസിൽ മുഖ്യപ്രതി സവാദിന്റെ കസ്റ്റഡി കാലാവധി ഇന്ന് അവസാനിക്കും. പ്രതിയെ കൊച്ചി എൻ.ഐ.എ കോടതിയിൽ ഹാജരാക്കും. ചോദ്യംചെയ്യൽ പൂർത്തിയായതിനാൽ എൻ.ഐ.എ വീണ്ടും കസ്റ്റഡി ആവശ്യപ്പെടില്ലെന്നാണ് വിവരം.
പോപ്പുലര് ഫ്രണ്ട് നേതാക്കളുടെ സഹായത്തോടെയാണ് സവാദ് 13 വർഷം ഒളിവില് കഴിഞ്ഞതെന്നാണ് അന്വേഷണ സംഘത്തിന്റെ കണ്ടെത്തല്. സവാദിനെ എന്ഐഎ കണ്ണൂരില് നിന്നാണ് അറസ്റ്റ് ചെയ്തത്. 13 വര്ഷമായി ഒളിവിലായിരുന്നു ഒന്നാം പ്രതിയായിരുന്ന സവാദ്.
ചോദ്യപേപ്പര് വിവാദത്തെത്തുടര്ന്ന്, മതനിന്ദ ആരോപിച്ച് 2010 ലാണ് തൊടുപുഴ ന്യൂമാന് കോളജ് അധ്യാപകനായ പ്രൊഫ. ടി ജെ ജോസഫിന്റെ കൈ വെട്ടുന്നത്.
പ്രതികരിക്കാൻ ഇവിടെ എഴുതുക