മുഖ സൗന്ദര്യം, ചര്മ പ്രശ്നങ്ങള് എന്നിവയെല്ലാം വര്ദ്ധിപ്പിയ്ക്കാനുള്ള സ്വാഭാവിക വഴികല് പലതുമുണ്ട്. യാതൊരു ദോഷവും വരുത്താതെ ചെയ്യാവുന്ന ഇത്തരം ചില സ്വാഭാവിക വഴികളില് ചില ആയുര്വേദ വഴികളും പെടുന്നു.
ചര്മ പ്രശ്നങ്ങള്ക്കും സൗന്ദര്യത്തിനുമെല്ലാം സഹായിക്കുന്ന പ്രധാനപ്പെട്ടൊരു മരുന്നാണ് രക്തചന്ദനം. പിഗ്മെന്റേഷന്, കരുവാളിപ്പ്, മുഖക്കുരു തുടങ്ങിയ പല പ്രശ്നങ്ങള്ക്കുമുള്ള നല്ലൊരു പരിഹാരമാണ് ര്ക്തചന്ദനം.
സൗന്ദര്യം വര്ദ്ധിപ്പിയ്ക്കുവാന് മാത്രമല്ല, പല ചര്മ പ്രശ്നങ്ങള്ക്കുമുള്ള നല്ലൊരു മരുന്നാണ് രക്തചന്ദനം. ദിവസവും രക്തചന്ദനം മുഖത്തു പുരട്ടുന്നത് ഏറെ ഗുണങ്ങള് നല്കും. ഇതു പാലിലോ തേനിലോ അല്ലെങ്കില് വെള്ളത്തില് കലര്ത്തിയോ പുരട്ടാം.
മുഖത്തെ പിഗ്മെന്റേഷനും കറുത്ത പാടുകള്ക്കുമെല്ലാം ഇതേറെ നല്ലൊരു പരിഹാരമാണ്. മുഖത്തുണ്ടാകുന്ന കുത്തുകളുടേയും പാടുകളുടേയുമെല്ലാം നിറം കുറഞ്ഞു വരും.
പിഗ്മെന്റേഷന് നീക്കാന് തൈരില് രക്തചന്ദനം കലര്ത്തി പുരട്ടുന്നതും ഏറെ നല്ലതാണ്. ചര്മത്തിന് ഇറുക്കം നല്കുന്ന ഒന്നു കൂടിയാണ് രക്തചന്ദനം. ഇതു തേനില് കലര്ത്തി മുഖത്തു പുരട്ടാം. ഇതിന്റെ ആന്റി ഓക്സിഡന്റ് ഗുണമാണ് ചര്മം അയഞ്ഞു തൂങ്ങാതെ സൂക്ഷിയ്ക്കുന്നത്. ഇതു വഴി ചര്മത്തിന് ചെറുപ്പവും നല്കാം.
എണ്ണമയം കൂടുതലുള്ള ചര്മത്തിനുള്ള നല്ലൊന്നാന്തരം മരുന്നാണ് രക്തചന്ദനം. ചര്മം ഉല്പാദിപ്പിയ്ക്കുന്ന അമിതമായ എണ്ണ നിയന്ത്രിച്ചു നിര്ത്തി മുഖക്കുരു പോലുളള പ്രശ്നങ്ങളില് നിന്നും ചര്മത്തിന് സംരക്ഷണം നല്കുന്ന ഒന്നാണിത്.
മുഖത്തെ ചര്മ സുഷിരങ്ങള് അടയ്ക്കുന്നതു വഴി ഇവയില് അഴുക്കും പൊടിയും കയറി വൃത്തികേടാകുന്നതു തടയാനും രക്തചന്ദനം നല്ലതാണ്.
മുഖത്തിന് തിളക്കവും മൃദുത്വവും നല്കാനും ഇതേറെ നല്ലതാണ്. രക്തചന്ദനത്തിനൊപ്പം നാരങ്ങാനീരോ പാലോ ചേര്ത്ത് ഉപയോഗിയ്ക്കാം. വെളിച്ചെണ്ണ, രക്തചന്ദനം, ബദാം ഓയില്,എന്നിവ ചേര്ത്ത മിശ്രിതം മുഖത്തു പുരട്ടാം. സ്വാഭാവിക തിളക്കവും ചെറുപ്പവുമെല്ലാം ഫലമായി ലഭിയ്ക്കും.
പ്രതികരിക്കാൻ ഇവിടെ എഴുതുക