സീതാപൂര്: ഉച്ചഭക്ഷണം വിളമ്പാൻ വൈകിയതിനെ ചൊല്ലിയുണ്ടായ തർക്കത്തിന് ഒടുവിൽ ഭര്ത്താവ് ഭാര്യയെ കൊലപ്പെടുത്തിയ ശേഷം ജീവനൊടുക്കി. ഉത്തര്പ്രദേശിലെ തങ്കോൺ പൊലീസ് സ്റ്റേഷൻ പരിധിയിലെ കോട്വാലൻപൂർവ ഗ്രാമത്തിലാണ് ദാരുണ സംഭവം.
പ്രേമദേവി (28)യെ കൊലപ്പെടുത്തിയ ഷെഹ്സാൻ ഭർത്താവ് പരാശ്റാം ആണ് ജീവനൊടുക്കിയത് എന്നാണ് നിഗമനം. തങ്കോൺ പൊലീസ് സ്റ്റേഷൻ എസ്എച്ച്ഒ ഹനുമന്ത് ലാൽ തിവാരിയാണ് ഇക്കാര്യം വ്യക്തമാക്കിയത്. കഴിഞ്ഞ ദിവസം ഉച്ചയോടെയാണ് സംഭവം. പറമ്പിലെ ജോലികൾക്ക് ശേഷം വീട്ടിലെത്തിയ പരശ്റാം ഭാര്യയോട് ഭക്ഷണം വിളമ്പാന് ആവശ്യപ്പെട്ടു.
എന്നാല് ആ സമയത്തേക്ക് ഭക്ഷണം തയ്യാറായിരുന്നില്ല. ഇതിനെ തുടര്ന്ന് ഇരുവരും തമ്മില് വഴക്ക് ഉണ്ടായി. കുപിതനായ ഭർത്താവ് ആദ്യം മൂർച്ചയേറിയ ആയുധം കൊണ്ട് ഭാര്യയെ ആക്രമിച്ച് കൊലപ്പെടുത്തുകയും പിന്നീട് ജയിലിൽ പോകേണ്ടിവരുമെന്ന പേടിയിൽ വീടിനുള്ളിൽ ആത്മഹത്യ ചെയ്യുകയുമായിരുന്നുവെന്ന് എസ്എച്ച്ഒ പറഞ്ഞു. മൃതദേഹങ്ങൾ പോസ്റ്റ്മോർട്ടത്തിന് അയച്ചതായി പൊലീസ് വ്യക്തമാക്കി.
കഴിഞ്ഞ ജിവസം ഗുരുഗ്രാമില് അത്താഴത്തിന് മുട്ടക്കറി ഉണ്ടാക്കിയില്ലെന്ന കാരണം പറഞ്ഞ് യുവാവ് ലിവ് ഇന് പങ്കാളിയെ ചുറ്റികയും ഇഷ്ടികയും ഉപയോഗിച്ച് അടിച്ചു കൊലപ്പെടുത്തിയിരുന്നു. ഗുരുഗ്രാമിലെ ചൗമ ഗ്രാമത്തിലുള്ള നിര്മാണത്തിലിരിക്കുന്ന വീട്ടിലാണ് യുവതിയെ മരിച്ച നിലയില് കണ്ടെത്തിയത്. ഗുരുഗ്രാം പൊലീസ് അറസ്റ്റ് യുവാവിനെ ചെയ്തിരുന്നു. മുട്ടക്കറി ഉണ്ടാക്കാതിരുന്നപ്പോള് തനിക്ക് ദേഷ്യം വന്നുവെന്നും ചുറ്റികയും ബെല്റ്റും ഉപയോഗിച്ച് മര്ദിച്ചെന്നുമാണ് പ്രതി മൊഴി നൽകിയത്.
പ്രതികരിക്കാൻ ഇവിടെ എഴുതുക