മലപ്പുറം: മലപ്പുറത്ത് കാളികാവ് ഉദിരംപൊയില് രണ്ട് വയസുകാരി മരിച്ചത് അതിക്രൂര മര്ദ്ദനത്തെ തുടര്ന്നെന്ന് പോസ്റ്റുമോര്ട്ടം റിപ്പോര്ട്ട് പുറത്ത്. കുട്ടിയുടെ തലയിലും നെഞ്ചിലും ഏറ്റ പരിക്കാണ് മരണത്തിലേക്ക് നയിച്ചതെന്നാണ് വിവരം. തലയില് രക്തം കട്ടപിടിച്ചിട്ടുണ്ട്. തലച്ചോര് ഇളകിയ നിലയില് ആിരുന്നു. വാരിയെല്ല് പൊട്ടിയിട്ടുണ്ടെന്നും പോസ്റ്റുമോര്ട്ടം റിപ്പോര്ട്ടില് വ്യക്തമാക്കുന്നു.
സംഭവത്തില് കുട്ടിയുടെ പിതാവ് മുഹമ്മദ് ഫായിസിനെ കസ്റ്റഡിയിലെടുത്തിരുന്നു. കുട്ടിയുടെ മാതാവും ബന്ധുക്കളുമാണ് ഇയാള്ക്കെതിരെ പരാതി നല്കിയത്. ഞായറാഴ്ച ഉച്ചയ്ക്ക് രണ്ട് മണിയോടെയാണ് ഗുരുതര നിലയിലായിരുന്ന കുഞ്ഞിനെ പിതാവ് ഫായിസ് ആശുപത്രിയിൽ എത്തിച്ചത്. ഭക്ഷണം തൊണ്ടയിൽ കുടുങ്ങിയെന്നാണ് ഇയാൾ ഡോക്ടറോട് പറഞ്ഞത്. വൈകാതെ കുഞ്ഞ് ആശുപത്രിയിൽ വച്ച് മരിക്കുകയും ചെയ്തു. ഇതേ തുടർന്നാണ് കുട്ടിയുടെ ഉമ്മയും ബന്ധുക്കളും ആരോപണവുമായി രംഗത്തെത്തിയത്. എന്നാൽ കുഞ്ഞിന്റെ ദേഹത്ത് മര്ദ്ദനമേറ്റ പാടുകളുണ്ടെന്ന് ബന്ധുക്കള് പറഞ്ഞിരുന്നു.
കുട്ടിയെ ഫായിസ് കൊലപ്പെടുത്തിയതാണെന്നും ബന്ധുക്കള് പ്രതികരിച്ചിരുന്നു. അലമാരയിലേക്കും കട്ടിലിലേക്കും കുട്ടിയെ വലിച്ചെറിഞ്ഞു. കുട്ടിയെ പിതാവ് കഴുത്ത് ഞെരിച്ച് കൊലപ്പെടുത്തിയതാണെന്നും ബന്ധുക്കള് ആരോപിച്ചിരുന്നു. പരാതിയെ തുടര്ന്ന് കാളികാവ് പൊലീസാണ് ഫായിസിനെ കസ്റ്റഡിയില് എടുത്തത്.
പ്രതികരിക്കാൻ ഇവിടെ എഴുതുക