ഏപ്രിൽ 26ന് വെള്ളിയാഴ്ച ലോകസഭ മണ്ഡലം തിരഞ്ഞെടുപ്പ് കേരളത്തിൽ നടക്കുകയാണ്. രണ്ടാംഘട്ട തിരഞ്ഞടെപ്പാണ് കേരളത്തിൽ ഉൾപ്പെടെ നടക്കുന്നത്. വോട്ടെടുപ്പിനായി പോളിങ് ബൂത്തിലേക്ക് കയറിചെല്ലുമ്പോൾ ഓരോ വോട്ടർമാരും കയ്യിൽ നിർബന്ധമായും കരുതേണ്ട ചില കാര്യങ്ങളുണ്ട്. എന്തൊക്കെയാണെന്നല്ലേ, ചിലർക്കെല്ലാം അതെ കുറിച്ച് അറിയാമെങ്കിലും ചിലർക്ക് ആകെ സംശയമായിരിക്കും. അങ്ങനെയുള്ളവർ ഇത് ശ്രദ്ദിച്ചോളൂ.
പോളിങ് ബൂത്തിലേക്ക് ഏതെങ്കിലും അംഗീകൃതരേഖ കരുതണം…
വോട്ട് രേഖപ്പെടുത്താന് പോളിങ് ബൂത്തിലെത്തുന്ന വോട്ടര് ഏതെങ്കിലും അംഗീകൃതരേഖ കരുതണം. അതായത്, വോട്ടര് ഐ.ഡി കാര്ഡ്, ആധാര് കാര്ഡ്, പാന് കാര്ഡ്, യൂണിക് ഡിസെബിലിറ്റി ഐ.ഡി കാര്ഡ് (യു.ഡി.ഐ.ഡി), സര്വീസ് ഐഡന്റിറ്റി കാര്ഡ്, ബാങ്കിന്റെയോ പോസ്റ്റ് ഓഫീസിന്റെയോ ഫോട്ടോ പതിപ്പിച്ച പാസ്ബുക്ക്, തൊഴില് മന്ത്രാലയത്തിന്റെ ഹെല്ത്ത് ഇന്ഷുറന്സ് സ്മാര്ട്ട് കാര്ഡ്, ഡ്രൈവിങ് ലൈസന്സ്,പാസ്പോര്ട്ട്, എന്.പി.ആര് സ്കീമിന് കീഴില് ആര്.ജി.ഐ നല്കിയ സ്മാര്ട്ട് കാര്ഡ്,
പെന്ഷന് രേഖ,ദേശീയ തൊഴിലുറപ്പ് പദ്ധതി ജോബ് കാര്ഡ്, എം.പിക്കോ/എം.എല്.എക്കോ/എം.എല്.സിക്കോ നല്കിയ ഔദ്യോഗിക തിരിച്ചറിയല് കാര്ഡ് എന്നിവയില് ഏതെങ്കിലുമൊരു അംഗീകൃത തിരിച്ചറിയല് രേഖ വോട്ടര്ക്ക് കൊണ്ടുപോകാം.
ഇലക്ട്രോണിക് ഉപകരണങ്ങള് പോളിങ് ബൂത്തിനുള്ളില് അനുവദനീയമല്ല എന്നുള്ള കാര്യം പ്രത്യേകം ഓർക്കുക.
എങ്ങനെയാണ് വോട്ട് രേഖപ്പെടുത്തേണ്ടത് എന്നറിയാമോ?
വോട്ടര് പോളിങ് ബൂത്തിലെത്തിയാല് പോളിങ് ബൂത്തിലെ ആദ്യ പോളിങ് ഉദ്യോഗസ്ഥന്/ഉദ്യോഗസ്ഥ വോട്ടര് പട്ടികയിലെ സമ്മതിദായകന്റെ പേരും തിരിച്ചറിയല് കാര്ഡും പരിശോധിക്കും. ശേഷം രണ്ടാമത്തെ പോളിങ് ഉദ്യോഗസ്ഥന്/ഉദ്യോഗസ്ഥ വോട്ടറുടെ കൈവിരലില് മഷി പുരട്ടുകയും സ്ലിപ് നല്കുകയും രജിസ്റ്ററില് (ഫോം 17- എ) ഒപ്പ് രേഖപ്പെടുത്താന് നിര്ദേശിക്കുകയും ചെയ്യും.
തുടര്ന്ന് മൂന്നാമത്തെ പോളിങ് ഉദ്യോഗസ്ഥന്/ഉദ്യോഗസ്ഥന് വോട്ടറുടെ സ്ലിപ് വാങ്ങുകയും വിരലിലെ മഷിയടയാളം പരിശോധിക്കുകയും ചെയ്യും. ശേഷം വോട്ടര്ക്ക് വോട്ട് രേഖപ്പെടുത്തുന്നതിന് ഇലക്ട്രോണിക് വോട്ടിങ് മെഷീനിന് അടുത്തേക്ക് (ഇ.വി.എം) പോകാം.
ഇ.വി.എമ്മില് നിങ്ങള് തെരഞ്ഞെടുക്കുന്ന സ്ഥാനാര്ത്ഥിയുടെയോ/നോട്ടയുടെയോ നേരെയുള്ള നീല ബട്ടണ് അമര്ത്തി വോട്ട് രേഖപ്പെടുത്താം. തുടര്ന്ന് ബട്ടണ് അമര്ത്തിയ സ്ഥാനാര്ത്ഥിയുടെ പേരിനോ ചിഹ്നത്തിനോ നേരെയുള്ള ചുവന്ന ലൈറ്റ് തെളിയും. സമ്മതിദായകന് തെരഞ്ഞെടുത്ത സ്ഥാനാര്ത്ഥിയുടെ/നോട്ടയുടെ ക്രമനമ്പര്, പേര്, ചിഹ്നം എന്നിവ അടങ്ങിയ ബാലറ്റ് സ്ലിപ്പ് വിവിപാറ്റ് പ്രിന്റ് ചെയ്യുകയും വിവിപാറ്റ് മെഷീനിന്റെ സുതാര്യമായ വിന്ഡോയില് ഏഴ് സെക്കന്റ് ദൃശ്യമാവുകയും ചെയ്യും.
തുടര്ന്ന് കണ്ട്രോള് യൂണിറ്റില് നിന്നുള്ള ബീപ് ശബ്ദം കേള്ക്കാം. ഇത് സമ്മതിദായകന് വോട്ട് രേഖപ്പെടുത്തിയെന്ന് ഉറപ്പുവരുത്തുന്നു. പ്രിന്റ് ചെയ്ത സ്ലിപ് വിവിപാറ്റ് മെഷീനില് സുരക്ഷിതമായിരിക്കും. വിവിപാറ്റില് ബാലറ്റ് സ്ലിപ്പ് കാണിക്കാതെ ഇരിക്കുകയോ ഉയര്ന്ന ശബ്ദത്തിലുള്ള ബീപ്പ് ശബ്ദം കേള്ക്കാതിരിക്കുകയോ ചെയ്താല് പ്രിസൈഡിങ് ഓഫീസറെ ബന്ധപ്പെടാവുന്നതാണ്.
എല്ലാം മനസിലായല്ലോ അല്ലെ, അപ്പോൾ ഇനി മറക്കാതെ ഒഴിവാക്കാതെ നമുക്ക് വോട്ട് രേഖപ്പെടുത്താം. നമ്മുടെ അവകാശം വിനിയോഗിക്കാം.
പ്രതികരിക്കാൻ ഇവിടെ എഴുതുക