കെപിസിസി അധ്യക്ഷനായി കെ.സുധാകരൻ വീണ്ടും ചുമതലയേറ്റു. ഇന്ന് രാവിലെ 10.30ന് കെപിസിസി ആസ്ഥാനമായ ഇന്ദിരാ ഭവനിലെത്തിയാണ് ചുമതല ഏറ്റെടുത്തത്.
ലോക്സഭ തിരഞ്ഞൈടുപ്പില് കണ്ണൂരില് മത്സരിക്കുന്നതിനാലായിരുന്നു സുധാകരന് കെപിസിസി അധ്യക്ഷസ്ഥാനത്ത് നിന്നും മാറിനിന്നത്. മുതിര്ന്ന നേതാവ് എം എം ഹസന് ആക്ടിംഗ് പ്രസിഡന്റായി താത്കാലിക ക്രമീകരണമെന്ന നിലക്ക് ചുമതല നല്കിയിരുന്നു.
സുധാകരന് തിരഞ്ഞെടുപ്പിന് ശേഷം ചുമതല തിരികെ നല്കാത്തതിൽ പാര്ട്ടിയില് തര്ക്കം ഉടലെടുത്തിരുന്നു. വിഷയം പാര്ട്ടിയില് കൂടുതല് ഭിന്നതക്കും ഗ്രൂപ്പിസത്തിനും വഴിവെക്കുമെന്ന നിഗമനത്തെ തുടര്ന്നാണ് ഹൈക്കമാന്ഡ് ഇടപെട്ട് സുധാകരന് തന്നെ കെപിസിസി അധ്യക്ഷ സ്ഥാനത്ത് തുടരാന് തീരുമാനിച്ചത്.
പ്രതികരിക്കാൻ ഇവിടെ എഴുതുക