നാലു നില കെട്ടിടത്തില് ഉണ്ടായ അഗ്നിബാധയിൽ ഒരു കുടുംബത്തിലെ നാലു പേര് മരിച്ചു. ഡല്ഹി കൊഹട്ട് എന്ക്ലേവിലെ നാല് നില കെട്ടിടത്തിലാണ് അഗ്നി ബാധയുണ്ടായത്. ദമ്പതികളും ഇവരുടെ നാലും അഞ്ചും വയസുള്ള കുട്ടികളുമാണ് മരിച്ചത്.
വെള്ളിയാഴ്ച അര്ദ്ധരാത്രിയോടെയായിരുന്നു അപകടം നടന്നത്. കെട്ടിടത്തിന്റെ പമ്പിംഗ് സ്റ്റേഷനില് ഉണ്ടായ ഷോര്ട്ട് സര്ക്യൂട്ടില് നിന്നാണ് തീ പടര്ന്നതെന്ന് ദൃക്സാക്ഷികള് പറഞ്ഞു.
അതേസമയം ഫയര്ഫോഴ്സിനെ വിവരമറിയിച്ചെങ്കിലും അവര് എത്താന് താമസിച്ചതായും അയല്വാസികള് പറഞ്ഞു. തീപിടുത്തത്തില് കെട്ടിടത്തിന്റെ താഴത്തെ നിലയില് പാര്ക്ക് ചെയ്തിരുന്ന വാഹനങ്ങളും കത്തി നശിച്ചിട്ടുണ്ട്.
പ്രതികരിക്കാൻ ഇവിടെ എഴുതുക