കാസര്ഗോഡ്: കാഞ്ഞങ്ങാട് അലാമിപ്പള്ളി പുതിയ ബസ് സ്റ്റാന്ഡില് വച്ച് യുവാവിനെ തലയ്ക്കടിച്ച് കൊലപ്പെടുത്തി. ബുധനാഴ്ച വൈകിട്ട് നാലര മണിയോടെയാണ് സംഭവം നടന്നത്. കണ്ണൂര് ചിറക്കല് സ്വദേശിയായ പ്രസാദിന്റെ മകന് ആശിഷ് വില്യം (42) ആണ് കൊല്ലപ്പെട്ടത്.
സമീപത്തെ ബാറില് വച്ചുണ്ടായ തര്ക്കം കൊലപാതകത്തില് കലാശിക്കുകയായിരുന്നെന്ന് പൊലീസ് പറഞ്ഞു. നിര്മാണം പൂര്ത്തിയാവാത്ത ഷോപ്പിംഗ് കോംപ്ലക്സിന്റെ വരാന്തയില് ഇരിക്കുകയായിരുന്ന ആശിഷിനെ ദിനേശന് മരപ്പലക ഉപോയോഗിച്ച് തലയ്ക്കടിച്ച് കൊലപ്പെടുത്തുകയായിരുന്നു. ഉടന് തന്നെ കാഞ്ഞങ്ങാട് ജില്ലാ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
സംഭവവുമായി ബന്ധപ്പെട്ട് നീലേശ്വരം പുതുക്കൈ സ്വദേശി ദിനേശനെ പോലീസ് കസ്റ്റഡിയിലെടുത്തു. ഇരുവരും സുഹൃത്തുക്കളാണെന്നാണ് സൂചന. ഒപ്പമുണ്ടായിരുന്ന മറ്റു രണ്ടു പേരെയും പൊലീസ് കസ്റ്റഡിയിലെടുത്തിട്ടുണ്ട്.
ആശിഷിന്റെ മൃതദേഹം ജില്ലാ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. പോസ്റ്റ് മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കും.
Also Read: കൊച്ചിയില് നടുറോഡില് ഭര്ത്താവിന്റെ കുത്തേറ്റ് യുവതി മരിച്ചു
പ്രതികരിക്കാൻ ഇവിടെ എഴുതുക