അടുത്ത നാല് ദിവസത്തേക്ക് കേരളത്തില് കനത്ത മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. സംസ്ഥാനത്തിന്റെ വിവിധ ഭാഗങ്ങളില് 12 മുതല് 20 സെന്റീമീറ്റര് വരെ മഴയ്ക്ക് സാധ്യതയുണ്ട്. വെള്ളപ്പൊക്കം, ഉരുള്പൊട്ടല്, മണ്ണിടിച്ചില് എന്നിവയുണ്ടാകാന് സാധ്യതയുള്ളതിനാല് ആളുകള് ജാഗ്രത പാലിക്കണമെന്നും കാലാവസ്ഥാ കേന്ദ്രം അറിയിച്ചു.
കൂടാതെ ബീച്ചുകളില് എത്തുന്ന വിനോദ സഞ്ചാരികള് കടലില് ഇറങ്ങുന്നതിനും വിലക്കേര്പ്പെടുത്തിയിട്ടുണ്ട്. മലയോര മേഖലകളില് മലവെള്ളപ്പാച്ചിലിന് സാധ്യതയുള്ളതിനാല് ചെറുചാലുകളുടെയും തോടുകളുടെയും സമീപത്തും മരങ്ങളുടെ അടിയിലും വാഹനം പാര്ക്ക് ചെയ്യരുതെന്ന് ജാഗ്രതാ മുന്നറിയിപ്പില് പറയുന്നു.
കേരളത്തിന്റെയും ലക്ഷദ്വീപിന്റെയും തീരപ്രദേശങ്ങളിലുള്ളവര് ജാഗ്രത പാലിക്കണമെന്ന് കര്ശന നിര്ദേശമുണ്ട്.
പ്രതികരിക്കാൻ ഇവിടെ എഴുതുക