ആചാരങ്ങൾ പാലിച്ചുകൊണ്ട് ട്രാന്സ്ജെന്ഡേഴ്സിന് ശബരിമല ദര്ശനം നടത്തുന്നതില് തടസമില്ലെന്ന് തന്ത്രി കണ്ഠരര് രാജീവര്.ദി ഹിന്ദുവാണ് വാർത്ത റിപ്പോർട്ട് ചെയ്തത്. ഇക്കാര്യത്തിൽ സമാന അഭിപ്രായമാണ് പന്തളം രാജകുടുംബവും സ്വീകരിച്ചതെന്നും പത്രം റിപ്പോർട്ട് ചെയ്യുന്നു. വിഷയത്തിൽ തടസമില്ലെന്ന് പന്തളം കൊട്ടാരം നിര്വാക കമ്മിറ്റി സെക്രട്ടറി കെപി നാരായണ വര്മയും വ്യക്തമാക്കിയതായും റിപ്പോര്ട്ടില് പറയുന്നു. അതേസമയം ട്രാന്സ്ജെന്ഡേഴ്സ് യുവതികളുടെ വേഷം ധരിച്ചെത്തുന്നത് ആശയക്കുഴപ്പത്തിനിടയാക്കുമെന്നും നാരായണ വര്മ്മ പറഞ്ഞു.
“സുഗമമായ മണ്ഡല ഉത്സവകാലം ശബരിമലയില് ഉണ്ടാകണമെന്നാണ് പന്തളം കൊട്ടാരത്തിന്റെ ആവശ്യം. അവിടത്തെ ആചാരങ്ങളെ തള്ളിക്കളഞ്ഞുകൊണ്ടോ ലംഘിച്ചുകൊണ്ടോ മുന്നോട്ടുപോകാന് പന്തളം കൊട്ടാരം അനുവദിക്കില്ല.
കഴിഞ്ഞ ദിവസം ട്രാന്സ്ജെന്ഡേഴ്സിനെ എരുമേലിയില് തടഞ്ഞത് പൊലീസിന്റെ സമയോജിത നടപടിയാണ്. യുവതികളുടെ വേഷത്തില് എത്തിയാണ് അവരെ തടയാന് കാരണം. അത് അനാവശ്യ പ്രശ്നങ്ങള്ക്ക് ഇടയാക്കും.
ശബരിമലയില് അത്തരം പ്രശ്നങ്ങളുണ്ടാകാതിരിക്കാനാണ് പൊലീസ് ശ്രമിച്ചത്. ശബരിമലയിലെ ആചാരങ്ങളും അനുഷ്ടാനങ്ങളും സംരക്ഷിക്കേണ്ട ചുമതല തിരുവിതാംകൂര് ദേവസ്വം ബോർഡിനുണ്ട്. ” വര്മ്മ പറഞ്ഞതായി ഹിന്ദു റിപ്പോര്ട്ട് ചെയ്യുന്നു.
പ്രതികരിക്കാൻ ഇവിടെ എഴുതുക