തിരുവനന്തപുരം: ശബരിമലയില് യുവതികള് പ്രവേശിച്ചതിനെത്തുടര്ന്ന് സംസ്ഥാനത്ത് നടന്ന ഹര്ത്താലില് വ്യാപക അക്രമം അരങ്ങേറിയതോടെ ഗവര്ണര് മുഖ്യമന്ത്രിയോട് റിപ്പോര്ട്ട് തേടി. ഉടനടി റിപ്പോര്ട്ട് സമര്പ്പിക്കാനാണ് ഗവര്ണര് ആവശ്യപ്പെട്ടിരിക്കുന്നത്. ശാന്തിയും സമാധാനവും കാത്തുസൂക്ഷിക്കാന് എല്ലാ വിഭാഗം ജനങ്ങളോടും ഗവര്ണര് ആവശ്യപ്പെട്ടു.
ഹര്ത്താലിന്റെ പശ്ചാത്തലത്തില് സംസ്ഥാനത്ത് നിലവില് തുടരുന്ന അക്രമത്തില് ഗവര്ണര് ഇടപെടണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടിരുന്നു.
ഹര്ത്താലിനെ തുടര്ന്ന് സംസ്ഥാനത്ത് രാവിലെ മുതല് സംഘര്ഷം തുടരുകയാണ്. മാധ്യമപ്രവര്ത്തകര്ക്കും പൊലീസുകാര്ക്കുമടക്കം നിരവധി പേര്ക്ക് അക്രമത്തില് പരിക്കേറ്റു.ഹര്ത്താലില് പ്രതിഷേധിച്ച് തുറന്ന കടകള് അക്രമികള് അടിച്ച് തകര്ത്തു. 100 ഓളം കെഎസ്ആര്ടിസി ബസ്സുകള് തകര്ത്തു. 3 കോടിയിലേറെ രൂപയുടെ നാശനഷ്ടമാണ് ഹര്ത്താലില് ഉണ്ടായത്.
പ്രതികരിക്കാൻ ഇവിടെ എഴുതുക