അന്തരിച്ച സംവിധായകൻ ലെനിൻ രാജേന്ദ്രന് ആദരസൂചകമായി തലസ്ഥാന നഗരിയിൽ ലെനിൻ സിനിമാസ് ഒരുങ്ങുന്നു. സർക്കാരിന്റെ കീഴിലുള്ള ആദ്യ 4 K തിയേറ്ററായിരിക്കും ഇത്. അത്യാധുനിക സംവിധാനങ്ങളോടെ കെഎസ്ആര്ടിസി ടെര്മിനലിലാണ് ലെനിന് സിനിമാസ് ഒരുങ്ങുന്നത്. ഈ മാസം 27ന് തിയേറ്റര് മുഖ്യമന്ത്രി പിണറായി വിജയന് ഉദ്ഘാടനം ചെയ്യും.
തിരുവന്തപുരത്തെ ആദ്യ ഫോര് കെ തിയേറ്റര് ആണ് ഇത്. രണ്ടു കോടി രൂപയാണ് തിയേറ്ററിന്റെ നിര്മാണ ചിലവ് .150 സീറ്റുകളാണ് തിയേറ്ററില് ക്രമീകരിച്ചിരിക്കുന്നത്. കെഎഫ്ഡിസിയുടെ സംസ്ഥാനത്തെ ഏറ്റവും സാങ്കേതിക മികവുള്ള തിയേറ്ററും ലെനിന് സിനിമാസ് ആണ്. ചലച്ചിത്ര വികസന കോര്പ്പറേഷന് ചെയര്മാനായിരുന്ന രാജേന്ദ്രന്റെ ഏറ്റവും വലിയ സ്വപ്നങ്ങളില് ഒന്നായിരുന്ന ഈ തിയേറ്ററിന് അദ്ദേഹത്തിന്റെ പേരു തന്നെ നല്കിയാണ് സര്ക്കാര് ആദരവ് പ്രകടിപ്പിച്ചത്.
പ്രതികരിക്കാൻ ഇവിടെ എഴുതുക